பெரும் துயரம்! இந்தியாவுக்காக போராடிய விருதுநகர் ராணுவ வீரர் மரணம் ! 11 மாத பெண் குழந்தையுடன் பரிதவிக்கும் மனைவி!

தேசத்தின் பாதுகாப்பில் தன்னலமின்றி சேவை ஆற்றி வந்த வீரர்களின் தியாகம் எப்போதும் நினைவில் நிற்கும். விருதுநகரை சேர்ந்த இளம் ராணுவ வீரர் சரண் அவர்களின் திடீர் மறைவு, தமிழக மக்களிடையே ஆழ்ந்த துயரத்தை ஏற்படுத்தியுள்ளது.

சரண் வாழ்க்கை மற்றும் சேவை

விருதுநகர் மாவட்டம் முத்துசாமிபுரத்தை சேர்ந்த சரண் (29), கடந்த 8 ஆண்டுகளாக இந்திய ராணுவத்தில் பணியாற்றி வந்தார். பாகிஸ்தான் ஆக்கிரமிப்பு காஷ்மீரில் பயங்கரவாத முகாம்களை அழிக்க நடத்தப்பட்ட ஆபரேஷன் சிந்தூரில் அவர் முக்கிய பங்கு வகித்திருந்தது குறிப்பிடத்தக்கது. அவருக்கு மனைவி பவித்ரா மற்றும் 11 மாத பெண் குழந்தை உள்ளனர்.

காஷ்மீரில் திடீர் உயிரிழப்பு

சமீபத்தில் காஷ்மீர் மாநிலம் பூஞ்ச் மாவட்ட ராணுவ முகாமில் பணியாற்றியபோது, கடந்த 22ஆம் தேதி சரணுக்கு திடீரென நெஞ்சுவலி ஏற்பட்டது. சிகிச்சை பலனளிக்காமல் அவர் உயிரிழந்தார். அவரது உடல் சொந்த ஊரான விருதுநகரில் கொண்டு வரப்பட்டு, முழு ராணுவ மரியாதையுடன் நேற்று முன்தினம் நல்லடக்கம் செய்யப்பட்டது.

இதையும் படிங்க: வாயில்லாத ஜீவன் என்ன பாவம் பண்ணுச்சு! கோவில் திருவிழாவிற்கு வந்த குதிரைகள்! வாளியில் இருந்த தண்ணீரை குடித்து.. இறுதியில் நடந்த அதிர்ச்சி!

மக்கள் மனதில் சோகமும் பெருமையும்

சரணின் மறைவு விருதுநகர் மாவட்டத்தில் அதிர்ச்சியையும் தமிழகத்தில் பெரும் சோகத்தில் ஆழ்த்தியுள்ளது. ஆனால் தேசத்திற்காக அவர் செய்த தியாகம், என்றும் மக்களின் மனதில் வாழும் என்பதை உறுதியாகச் சொல்லலாம்.

இதையும் படிங்க: பெத்த வயிறு பத்தி எரியுது! இறந்த மகனின் உடலை பார்த்து கதறி அழுத தாய்! அடுத்த நொடியே நடந்த அதிர்ச்சி! மதுரையில் பெரும் சோகம்...