BREAKING: மக்களே வெளியே வராதீங்க....தமிழ்நாட்டிற்கு 'ரெட் அலர்ட்' அறிவிப்பு.! வெளுத்து எடுக்கப்போகும் கனமழை!

தமிழகத்தில் அடுத்த சில நாட்களில் மழை தீவிரமாகும் என இந்திய வானிலை மையம் அறிவித்துள்ளது. பல மாவட்டங்களுக்கு ஆரஞ்சு அலெர்ட் மற்றும் ரெட் அலெர்ட் விடுக்கப்பட்டுள்ளதால், மக்கள் எச்சரிக்கையுடன் இருக்குமாறு வானிலை துறை தெரிவித்துள்ளது.

இன்று கனமழை பெய்யும் மாவட்டங்கள்

இந்திய வானிலை மையத்தின் தகவலின்படி இன்று கன்னியாகுமரி, தூத்துக்குடி, நெல்லை, ராமநாதபுரம் மாவட்டங்களில் கனமழை பெய்ய வாய்ப்பு அதிகம் என கூறப்பட்டுள்ளது. கடலோர பகுதிகளில் காற்றின் வேகமும் அதிகரிக்கும் என எச்சரிக்கப்பட்டுள்ளது.

இதையும் படிங்க: 3 நாட்களுக்கு வெளுத்து வாங்க போகும் மழை! வங்கக் கடலில் உருவாகும் புயல்! 11 மாவட்டங்களுக்கு வானிலை மையம் ரெட் அலர்ட்..!!

நாளைய மஞ்சள் அலர்ட்

நாளை தஞ்சாவூர், புதுக்கோட்டை, திருவாரூர், நாகை, ராமநாதபுரம் ஆகிய மாவட்டங்களுக்கு கனமழைக்கான மஞ்சள் அலர்ட் அறிவிக்கப்பட்டுள்ளது. குறைந்த பகுதிகளிலும், ஆற்றங்கரைகளிலும் வசிப்பவர்கள் முன்னெச்சரிக்கை நடவடிக்கைகள் மேற்கொள்ள வேண்டியது அவசியம் எனவும் தெரிவிக்கப்பட்டுள்ளது.

29-ம் தேதி ரெட் அலர்ட் அறிவிப்பு

செங்கல்பட்டு, விழுப்புரம், கடலூர், மயிலாடுதுறை, நாகை, திருவாரூர் ஆகிய மாவட்டங்களுக்கு வரும் 29-ம் தேதி மிக கனமழைக்கான ரெட் அலர்ட் அறிவிக்கப்பட்டுள்ளது. இம்மாவட்டங்களில் வெள்ளப்பெருக்கு, மரம் சரிவு, போக்குவரத்து தடங்கல் ஆகியவை ஏற்படக்கூடும் என வானிலை மையம் எச்சரித்துள்ளது.

அடுத்த சில நாட்கள் தமிழகத்தின் பல பகுதிகளில் மழை தீவிரமாக இருக்கும் என எதிர்பார்க்கப்படுவதால், மக்கள் பாதுகாப்பு நடவடிக்கைகளை தவறாமல் பின்பற்ற வேண்டும் என்று வானிலை துறை பரிந்துரைத்துள்ளது.

இதையும் படிங்க: கனமழை எச்சரிக்கை! தமிழகத்தில் இந்த மாவட்டங்களில் பள்ளிகளுக்கு விடுமுறை...? வந்தது வானிலை அலர்ட்....!