BREAKING: ஷாக் நியூஷ்! அன்றைய நாட்களில் இனி டாஸ்மாக் கடைகள் இயங்காது...! தமிழக அரசு எடுத்த அதிரடி முடிவு...!!!

தமிழகத்தில் முக்கிய பண்டிகை நாள்களிலும், அதற்கு முந்தைய நாள்களிலும் டாஸ்மாக் மதுபானக் கடைகளை மூடுவது குறித்து அரசு திட்டமிட்டு வருவதாகத் தகவல் வெளியாகியுள்ளது. பண்டிகைக் காலங்களில் ஏற்படும் கூட்ட நெரிசல் மற்றும் சட்டம்-ஒழுங்குப் பிரச்சினைகளைத் தவிர்க்கும் நோக்கில் இந்த நடவடிக்கை பரிசீலிக்கப்படுவதாகக் கூறப்படுகிறது.

பண்டிகை நாள்களில் டாஸ்மாக் கடைகளை மூடத் திட்டமா?

தீபாவளி உள்ளிட்ட முக்கிய பண்டிகைகளின்போது பொதுமக்கள் அதிக அளவில் வெளியே செல்வார்கள். இந்த நேரத்தில் மதுபான விற்பனையால் ஏற்படக்கூடிய அசம்பாவிதங்களைத் தடுக்க, பண்டிகைக்கு முந்தைய நாள் மற்றும் பண்டிகை நாளில் டாஸ்மாக் கடைகளுக்கு விடுமுறை அளிப்பது குறித்து ஆலோசிக்கப்பட்டு வருவதாகத் தகவல்கள் தெரிவிக்கின்றன.

இதையும் படிங்க: 31 நாட்கள் ஆகிட்டு...! செஞ்சி சிறுமி வழக்கில் புதிதாக களமிறங்கிய சிபிசிஐடி டிஐஜி...! விடுப்பட்ட தடயத்தை பிடிக்க நேரடி ஆய்வு...! சிக்கப்போகும் அந்த நபர்..? விசாரணையின் அதிரடி வேகம்..!!!

பொது அமைதியைப் பாதுகாப்பதுடன், குடும்பத்தினர் பாதுகாப்பாகவும் மகிழ்ச்சியாகவும் பண்டிகைகளைக் கொண்டாடுவதற்கு இந்த நடைமுறை உதவும் என அரசு தரப்பில் கருதப்படுவதாகக் கூறப்படுகிறது.

தற்போது 8 முக்கிய நாள்களில் மட்டுமே விடுமுறை

தற்போதைய நடைமுறைப்படி, குடியரசு தினம், சுதந்திர தினம், காந்தி ஜெயந்தி, திருவள்ளுவர் தினம், மகாவீர் ஜெயந்தி, நபிகள் நாயகம் பிறந்தநாள், வடலூர் ராமலிங்கர் நினைவு நாள் மற்றும் மே தினம் ஆகிய 8 நாள்களில் டாஸ்மாக் கடைகளுக்கு விடுமுறை அளிக்கப்படுகிறது.

ஆனால், தீபாவளி போன்ற முக்கிய பண்டிகை நாள்களில் மதுபானக் கடைகள் வழக்கம்போல் செயல்பட்டு வருகின்றன. புதிய திட்டம் நடைமுறைக்கு வந்தால், இந்த நிலை மாறக்கூடும். பண்டிகை நாள்களில் கடைகள் மூடப்படுமா என்ற எதிர்பார்ப்பு பொதுமக்கள் மத்தியில் எழுந்துள்ள நிலையில், அரசின் அதிகாரப்பூர்வ அறிவிப்புக்காகக் காத்திருக்க வேண்டியுள்ளது.

இதையும் படிங்க: BREAKING: தமிழகத்தில் உள்ளாட்சி தேர்தல் ரத்து...! சென்னை ஐகோர்ட்டில் தமிழக அரசு விளக்கம் அளித்த பின்னணி காரணம்...!!!