என்னை யாரும் தேட வேண்டாம்.... கணவனை உடலை துண்டு துண்டாக வெட்டி..... அந்த வீடியோவை பார்த்து பார்த்து ரசித்த மனைவி! பகீர் பின்னணி..!!!

சென்னையை பரபரப்பில் ஆழ்த்திய பெரம்பூர் ரயில் நிலைய சூட்கேஸ் கொலை வழக்கில், கள்ளக்காதல் பின்னணியில் அரங்கேறிய கொடூரமான கொலைச் சம்பவம் போலீஸ் விசாரணையில் அம்பலமாகியுள்ளது. இந்த வழக்கில் கைது செய்யப்பட்ட பெண் மற்றும் அவரது காதலன் மீது பல்வேறு குற்றச்சாட்டுகள் சுமத்தப்பட்டுள்ளன.

கடந்த 5-ஆம் தேதி பெரம்பூர் ரயில் நிலையத்தின் 4-வது நடைமேடையில் கேட்பாரற்று கிடந்த நீல நிற சூட்கேசில், தலை மற்றும் கை, கால்கள் இல்லாத நிலையில் ஒரு ஆணின் அழுகிய சடலம் கண்டெடுக்கப்பட்டது. இதையடுத்து போலீசார் பல்வேறு கோணங்களில் தீவிர விசாரணையைத் தொடங்கினர்.

இதையும் படிங்க: எங்கே தேடியும் கிடைக்காத தலை.... ஆணுறுப்பு இருந்தால் தானே இப்படி செய்வ! சூட்கேஸில் இருந்த சடலம்..... ஆக்ரோஷமாக மனைவி செய்த பயங்கரம்! பதறவைக்கும் பின்னணி..!!!

பார்கோடு மற்றும் செல்போன் தகவலால் கிடைத்த துப்பு

சடலத்தின் உடலில் இருந்த ஷார்ட்ஸ் துணியின் பார்கோடை ஆய்வு செய்த போலீசார், அதனுடன் தொடர்புடைய தகவல்களை சேகரித்தனர். மேலும் கிடைத்த செல்போன் இருப்பிட விவரங்களை அடிப்படையாகக் கொண்டு நடத்திய விசாரணையில், தேனாம்பேட்டையில் வசித்து வந்த அசாம் மாநிலத்தைச் சேர்ந்த ரோகிமா (36) என்பவர் சந்தேக வலையில் சிக்கினார்.

அவரை வாட்ஸ்அப் அழைப்பு மூலம் வரவழைத்து போலீசார் கைது செய்தனர். தொடர்ந்து நடத்தப்பட்ட விசாரணையில், உயிரிழந்தவர் ரோகிமாவின் இரண்டாவது கணவரான அமீர் அலி என்பது உறுதியானது.

கள்ளக்காதல் பின்னணியில் தீட்டப்பட்ட திட்டம்

தகவலின்படி, அமீர் அலிக்கு வேறு சில பெண்களுடன் தொடர்பு இருந்ததாகவும், இதனால் தம்பதியினருக்கு இடையே அடிக்கடி தகராறு ஏற்பட்டதாகவும் கூறப்படுகிறது. இந்த சூழலில், தி.நகரில் காய்கறி வியாபாரம் செய்து வந்த அஷ்ரப் என்பவருடன் ரோகிமாவுக்கு நெருக்கம் ஏற்பட்டுள்ளது.

அதன்பின் இருவரும் சேர்ந்து அமீர் அலியை கொலை செய்ய திட்டமிட்டதாக போலீசார் தெரிவித்துள்ளனர். கடந்த 3-ஆம் தேதி இரவு உணவில் தூக்க மாத்திரை கலந்து கொடுத்து அமீர் அலியை மயக்கமடையச் செய்த பின்னர், அவரை கொலை செய்ததாக விசாரணையில் தெரியவந்துள்ளது.

உடலை துண்டித்து மறைக்க முயற்சி

கொலைக்குப் பிறகு உடலை பல பகுதிகளாக வெட்டி, துர்நாற்றம் வீசாமல் இருக்க வாசனை திரவியங்களை பயன்படுத்தியதாக கூறப்படுகிறது. பின்னர் உடற்பகுதியை சூட்கேஸ் கொலை வழக்கின் முக்கிய ஆதாரமாக மாறிய சூட்கேசில் அடைத்து பெரம்பூர் ரயில் நிலையத்தில் வீசியுள்ளனர்.

மற்ற உடல் பாகங்களை வெவ்வேறு இடங்களில் அப்புறப்படுத்தியதாகவும், வெட்டப்பட்ட தலையை செங்கல்பட்டு பகுதியில் புதைத்ததாகவும் போலீஸ் விசாரணையில் தெரியவந்துள்ளது. இதையடுத்து அஷ்ரப்பும் கைது செய்யப்பட்டுள்ளார்.

விசாரணையில் வெளிவந்த அதிர்ச்சி தகவல்

இந்த வழக்கின் விசாரணையில் மிகவும் பரபரப்பை ஏற்படுத்திய தகவலாக, கொலைக்குப் பிறகு நடந்த செயல்பாடுகள் வெளியாகியுள்ளன. போலீசார் கூறுகையில், உடலை துண்டித்த காட்சிகளை ரோகிமா தனது செல்போனில் பதிவு செய்திருந்ததாக தெரியவந்துள்ளது.

மேலும், உயிரிழந்தவரின் சமூக வலைதள கணக்கில் நுழைந்து, “என்னை யாரும் தேட வேண்டாம்” என்ற வகையில் பதிவிட்டு தடயங்களை மறைக்க முயன்றதாகவும் விசாரணையில் கண்டறியப்பட்டுள்ளது.

தற்போது இந்த வழக்கு ஓட்டேரி போலீசாரின் விசாரணைக்குள் கொண்டு வரப்பட்டுள்ள நிலையில், கைது செய்யப்பட்ட இருவரும் நீதிமன்றத்தில் ஆஜர்படுத்தப்பட்டு சிறையில் அடைக்கப்பட்டுள்ளனர்.

இதையும் படிங்க: காமத்துக்கு கணவரை பலிகொடுத்த மனைவி.. தலையில்லாத சடலமாக மீட்கப்பட்ட சோகம்.. பரபரப்பு பின்னணி.!