அரசு பள்ளி மாணவர்களுக்கு அடித்த ஜாக்பட்...! மாதம் ரூ.1000 உதவித்தொகை... முழு விவரம் இதோ..!!!

அரசுப் பள்ளி மாணவர்களுக்கு ஆண்டுதோறும் வழங்கப்படும் தேசிய வருவாய்வழி மற்றும் திறன் படிப்புதவித் தொகை (NMMS) தேர்வுக்கு விண்ணப்பிக்கும் கால அவகாசம் நீட்டிக்கப்பட்டுள்ளது. இதன்படி, மாணவர்கள் நவம்பர் 25, 2026 வரை விண்ணப்பிக்கலாம் என அறிவிக்கப்பட்டுள்ளது. தமிழகத்தில் மட்டும் 6,695 மாணவர்களுக்கு இந்த உதவித்தொகை வழங்கப்பட உள்ளது.

8-ஆம் வகுப்பு மாணவர்கள் விண்ணப்பிக்கலாம்

மத்திய கல்வி அமைச்சகம் சார்பில், பொருளாதாரத்தில் பின்தங்கிய மாணவர்களின் கல்வி பாதிக்கப்படக் கூடாது என்ற நோக்கத்தில் இந்தத் திட்டம் செயல்படுத்தப்படுகிறது. அரசு மற்றும் அரசு உதவிபெறும் பள்ளிகளில் 8-ஆம் வகுப்பு படிக்கும் மாணவ, மாணவிகள் இத்தேர்வுக்கு விண்ணப்பிக்கத் தகுதியானவர்கள்.

இதையும் படிங்க: பாதிலேயே முடிந்த வாழ்க்கை! அதிவேகமாக சென்ற வாகனம்! 13 வயது சிறுமி துடிதுடித்து பலி... பதறவைக்கும் சிசிடிவி காட்சி..!!!

ஆண்டுக்கு ரூ.12,000 கல்வி உதவித்தொகை

தேர்வில் தேர்ச்சி பெறும் மாணவர்களுக்கு 9-ஆம் வகுப்பு முதல் 12-ஆம் வகுப்பு வரை மாதம் ரூ.1,000 வீதம் உதவித்தொகை வழங்கப்படும். இதன் மூலம் ஆண்டுக்கு ரூ.12,000 கிடைக்கும். இந்த உதவித்தொகையைத் தொடர்ந்து பெறுவதற்கு 10-ஆம் வகுப்பில் குறைந்தபட்சம் 55 முதல் 60 சதவீத மதிப்பெண்கள் பெற வேண்டும் எனத் தெரிவிக்கப்பட்டுள்ளது.

நவம்பர் 25 வரை விண்ணப்பிக்க அவகாசம்

இத்தேர்வுக்கு பள்ளிகள் மூலம் விண்ணப்பிக்க ஏற்கெனவே அறிவிக்கப்பட்டிருந்த காலக்கெடு தற்போது நீட்டிக்கப்பட்டுள்ளது. மாணவர்கள் அதிக அளவில் பயன்பெற வேண்டும் என்பதற்காக, விண்ணப்பிக்கக் கடைசி நாள் நவம்பர் 25, 2026 என மாற்றப்பட்டுள்ளது.

விருப்பமும் தகுதியும் உள்ள மாணவர்கள் தங்கள் பள்ளி தலைமை ஆசிரியர் அல்லது சம்பந்தப்பட்ட பள்ளி நிர்வாகத்தை அணுகி விண்ணப்பிக்கலாம். கடைசி நாள் வரை காத்திருக்காமல் முன்கூட்டியே விண்ணப்பிப்பது நல்லது.

இதையும் படிங்க: அதிர்ச்சி! அரசு பேருந்து தலைக்குப்புற கவிழ்ந்து விபத்து! 22 பேர் படுகாயம்.... புதுக்கோட்டையில் பரபரப்பு..!!!