"உங்க விஜய் நா வரேன்"..... கோலாக்கல கொண்டாட்டத்தில் தமிழகமே...!!!

தமிழக அரசியலில் பெரும் கவனத்தை ஈர்த்துள்ள நிகழ்வாக, தமிழக வெற்றிக் கழகத்தின் தலைவர் விஜய் இன்று தமிழக முதலமைச்சராக பதவியேற்க உள்ளார். சென்னை நேரு உள்விளையாட்டு அரங்கில் மதியம் 3:15 மணிக்கு நடைபெறும் இந்த விழாவிற்கான ஏற்பாடுகள் தீவிரமாக நடைபெற்று வருகின்றன. லட்சக்கணக்கான தொண்டர்கள் மற்றும் பொதுமக்கள் பங்கேற்பார்கள் என எதிர்பார்க்கப்படுவதால், சென்னை முழுவதும் பாதுகாப்பு பலப்படுத்தப்பட்டுள்ளது.

தமிழக ஆளுநர் முன்னிலையில் நடைபெறும் இந்த விழாவில், விஜய் பதவிப்பிரமாணமும் ரகசியக் காப்புப் பிரமாணமும் மேற்கொள்கிறார். திரைத்துறையில் இருந்து அரசியலுக்குள் நுழைந்த குறுகிய காலத்திலேயே ஆட்சிப் பொறுப்பை ஏற்கும் நிலையில் இருப்பது அரசியல் வட்டாரங்களில் முக்கிய விவாதமாக மாறியுள்ளது.

இதையும் படிங்க: BREAKING: இன்பச் செய்தி.... நாளை மாலை 3.15 மணிக்கு தமிழ்நாட்டின் முதலமைச்சராக விஜய் பதவியேற்கிறார்! வெளியான அதிகாரபூர்வ அறிவிப்பு..!!!

நேரு உள்விளையாட்டு அரங்கில் பிரம்மாண்ட ஏற்பாடுகள்

சென்னை நேரு உள்விளையாட்டு அரங்கில் நடைபெறும் பதவியேற்பு விழாவிற்காக மேடை அமைப்பு, சிறப்பு விருந்தினர்களுக்கான இருக்கைகள், பாதுகாப்பு வளையங்கள் உள்ளிட்ட பணிகள் முழுவீச்சில் நடைபெற்று வருகின்றன. மாநிலம் முழுவதும் இருந்து கட்சித் தொண்டர்கள் வரத் தொடங்கியுள்ளதால், போக்குவரத்து கட்டுப்பாடுகளும் அமல்படுத்தப்பட்டுள்ளன.

இதையடுத்து காவல்துறை சார்பில் ஆயிரக்கணக்கான போலீசார் பாதுகாப்பு பணியில் ஈடுபடுத்தப்பட்டுள்ளனர். முக்கிய சாலைகள் மற்றும் அரங்கு வளாகப் பகுதிகளில் கண்காணிப்பு கேமராக்கள் பொருத்தப்பட்டுள்ளன.

அரசியல் தலைவர்கள், திரைப்பிரபலங்களுக்கு அழைப்பு

இந்த விழாவில் கலந்துகொள்ள பல்வேறு மாநிலங்களைச் சேர்ந்த அரசியல் தலைவர்கள், கூட்டணி கட்சி பிரதிநிதிகள், திரைப்பிரபலங்கள் மற்றும் தொழில்துறை முக்கியஸ்தர்களுக்கு அழைப்பு விடுக்கப்பட்டுள்ளதாக தகவல்கள் தெரிவிக்கின்றன.

விழாவை முன்னிட்டு சென்னை நகரம் முழுவதும் கட்சிக்கொடியுகள், பேனர்கள் மற்றும் வரவேற்பு பதாகைகள் அமைக்கப்பட்டுள்ளன. விஜய் ஆதரவாளர்கள் பல இடங்களில் கொண்டாட்ட நிகழ்ச்சிகளையும் ஏற்பாடு செய்து வருகின்றனர்.

பதவியேற்றவுடன் முக்கிய அறிவிப்புகள்?

“மக்களுக்கான அரசு” என்ற முழக்கத்துடன் ஆட்சிப் பொறுப்பேற்கும் விஜய், பதவியேற்ற உடனேயே சில முக்கிய கோப்புகளில் கையெழுத்திடுவார் என எதிர்பார்க்கப்படுகிறது. மக்கள் நலத் திட்டங்கள் தொடர்பான ஆரம்ப அறிவிப்புகளும் வெளியாகலாம் என்று அரசியல் வட்டாரங்கள் கூறுகின்றன.

இதனால் நாளைய பதவியேற்பு விழா தமிழக அரசியலில் புதிய அத்தியாயத்தின் தொடக்கமாக பார்க்கப்படுகிறது.

இதையும் படிங்க: போடு வெடிய... நாளை CM விஜய்யுடன் சேர்ந்து 9 அமைச்சர்கள் பதவியேற்பு...? ஒட்டுமொத்த தமிழகமே உற்சாகத்தில்...!!!