காலேஜ்ல EXAM கட்டடிச்சிட்டு தளபதியை பார்க்க வந்த இளம் பெண்! அப்படி என்ன செஞ்சாரு விஜய்? வைரல் பேட்டியால் வறுத்தெடுக்கும் நெட்டிசன்கள்!

தமிழக அரசியல் மேடைகளில் இளைஞர்களின் பங்கேற்பு அதிகரித்து வரும் நிலையில், ஈரோட்டில் நடைபெற்ற தமிழக வெற்றிக் கழக பொதுக்கூட்டம் புதிய சர்ச்சைக்குத் துவக்கமாகியுள்ளது. குறிப்பாக, ஒரு கல்லூரி மாணவியின் பேட்டி இணையத்தில் வேகமாக பரவி, சமூக மற்றும் அரசியல் வட்டாரங்களில் கவனத்தை ஈர்த்துள்ளது.

ஈரோடு தவெக பொதுக்கூட்டத்தில் இளைஞர் பங்கேற்பு

தமிழக வெற்றிக் கழகத்தின் ஈரோடு பொதுக்கூட்டத்தில் ஏராளமான இளைஞர்கள் மற்றும் மாணவர்கள் கலந்துகொண்டனர். அங்கு செய்தியாளர்களிடம் பேசிய கல்லூரி மாணவி ஒருவர், அன்றைய தினம் தனக்கு தேர்வு இருந்தபோதும் அதை எழுதச் செல்லாமல் மாநாட்டிற்கு வந்ததாகக் கூறினார்.

"எக்ஸாமை விட விஜய் முக்கியம்" – வைரல் பேட்டி

“எனக்கு இன்னைக்கு எக்ஸாம் இருந்தது, ஆனா அதை எழுதப்போகல. எக்ஸாமை விட, படிப்பை விட விஜய் தான் முக்கியம்” என்று அவர் கூறிய வார்த்தைகள் இன்ஸ்டாகிராமில் பரவலாக பகிரப்பட்டு வருகின்றன. இந்த வீடியோ, வைரல் வீடியோ ஆகி சமூக வலைதளங்களில் பெரும் விவாதத்தை உருவாக்கியுள்ளது.

இதையும் படிங்க: போலீஸை கேள்வி கேக்க ஆள் இல்லையா? ஹெல்மெட்டுக்கு FINE போடும் இடத்திலேயே விதி மீறிய போலீஸ்! இளைஞரின் துணிச்சல் செயலின் காட்சி...

ஆதரவும் எதிர்ப்பும் கலந்த சமூக வலைதள எதிரொலி

இந்த மாணவியின் கருத்துக்கு தவெக தொண்டர்கள் ஆதரவு தெரிவித்து அவரது தீவிரப் பற்றைக் கொண்டாடினாலும், பெரும்பாலான நெட்டிசன்கள் இதை கவலைக்குரியதாக விமர்சித்து வருகின்றனர். “தலைவரின் மீது அன்பு இருக்கலாம், ஆனால் அதற்காக படிப்பையே புறக்கணிப்பது ஆபத்தானது” என பலரும் கருத்து தெரிவித்து வருகின்றனர்.

ஒரு மாணவி வெளிப்படையாக “படிப்பை விட தலைவர் முக்கியம்” என்று கூறிய சம்பவம், இன்றைய இளைஞர்களின் மனநிலையும் அரசியல் ஈடுபாடும் எந்த திசையில் செல்கின்றன என்பதைக் காட்டுவதாக அரசியல் வட்டாரங்களில் பேசப்படுகிறது. இந்த அரசியல் சர்ச்சை, சமூக பொறுப்பு மற்றும் கல்வியின் முக்கியத்துவம் குறித்து மீண்டும் ஒரு விவாதத்தைத் தூண்டியுள்ளது.

இதையும் படிங்க: அம்மாடியோவ்! எவ்வளவு பெருசு! கேக் வெட்டவா இல்ல.... ஆள... கொஞ்சம் விட்டுருந்தா கண்ணு போய்ருக்கும்! வைரல் வீடியோ....