திடீர் திருப்பம்! தவெக தலைவர் விஜய்யுடன் OPS கூட்டணி......! இறுதி முடிவு அடுத்தக்கட்ட அரசியல் நகர்வு!

தமிழக அரசியல் களம் 2026 சட்டமன்றத் தேர்தலை முன்னிட்டு நாளுக்கு நாள் சூடுபிடித்து வருகிறது. குறிப்பாக கூட்டணி அரசியல் மற்றும் தலைவர்கள் எடுக்கும் முடிவுகள், வரும் தேர்தல் முடிவுகளை தீர்மானிக்கும் முக்கிய காரணிகளாக பார்க்கப்படுகின்றன.

அதிமுக – பாஜக கூட்டணி மற்றும் அதிருப்தி

பாஜகவுடன் இபிஎஸ் தலைமையிலான அதிமுக கூட்டணி அமைந்துள்ள நிலையில், கட்சிக்குள் பல நிர்வாகிகள் அதிருப்தியில் இருப்பதாக தகவல்கள் வெளியாகி வருகின்றன. பிரிந்து சென்ற பழைய தலைவர்களை மீண்டும் ஒன்றிணைக்க வேண்டும் என்ற குரல்கள் வலுத்துள்ளன. இதற்கிடையே, NDA கூட்டணியில் முதல்வர் வேட்பாளராக இபிஎஸ் தொடரும் வரை கூட்டணியில் இணைய மாட்டோம் என்று கூறி ஓபிஎஸ் மற்றும் டிடிவி தினகரன் ஆகியோர் விலகினர்.

ஓபிஎஸ் – தொடரும் அரசியல் எதிர்பார்ப்பு

NDA கூட்டணியில் இருந்து விலகிய பின்னர், ஓபிஎஸ் எந்த அரசியல் பாதையை தேர்வு செய்வார் என்ற எதிர்பார்ப்பு அரசியல் வட்டாரங்களில் அதிகரித்தது. ஒரு கட்டத்தில், அவர் திமுகவில் இணைய உள்ளதாக தகவல்கள் வெளியானது. இதனால் தமிழக அரசியலில் புதிய திருப்பம் ஏற்படும் என பேசப்பட்டது.

இதையும் படிங்க: ரகசிய பேச்சுவார்த்தை.... தவெக கூட்டணிக்கு கிரீன் சிக்னல் கொடுத்த முக்கிய கட்சிகள்...! அனல் பறக்கும் அரசியல்!

NDA-வுக்கு மீண்டும் வருவாரா?

இந்த நிலையில், நயினார் நாகேந்திரன் மற்றும் அண்ணாமலை ஆகியோர் ஓபிஎஸை சந்தித்து பேசியதாக கூறப்பட்டதால், அவர் மீண்டும் NDA கூட்டணியில் இணைவார் என்ற தகவல்கள் பரவின. மேலும், ஓபிஎஸ் தரப்புக்கு கூட்டணியில் 3 சீட்டு ஒதுக்கீடு செய்யப்பட்டுள்ளதாகவும் செய்திகள் வெளியானது. ஆனால், இத்தகவல்களை ஓபிஎஸ் தரப்பு முற்றிலும் தவறானவை என மறுத்துள்ளது.

NDA மற்றும் திமுக கூட்டணிகளுடன் தொடர்புடைய தகவல்களை ஓபிஎஸ் மறுத்துள்ள நிலையில், அவர் தமிழக வெற்றிக்கழகம் கட்சியில் இணைய வாய்ப்புள்ளதாக புதிய தகவல்கள் வெளியாகியுள்ளன. இது உண்மையாகும் பட்சத்தில், வரும் தேர்தலில் அரசியல் சமன்பாடுகள் மேலும் மாறக்கூடும்.

கூட்டணி அரசியல் நிறைந்த இந்த சூழலில், ஓபிஎஸ் எடுக்கும் இறுதி முடிவு தமிழக அரசியலில் முக்கிய திருப்பமாக அமைய வாய்ப்புள்ளது. அவரது அடுத்தகட்ட நகர்வு, 2026 தேர்தல் களத்தில் பல கட்சிகளின் வியூகங்களை மாற்றக்கூடும் என்பதால், அனைவரும் அதைக் கவனமாக எதிர்நோக்கி வருகின்றனர்.

இதையும் படிங்க: செங்கோட்டையனின் அடுத்த அதிரடி சம்பவம்! தவெக விஜய்யுடன் இணையும் அதிமுக அமைச்சர்? அடுத்த அதிர்ச்சியில் எடப்பாடி!