கணக்கை கரெக்ட்டா போட்ட எடப்பாடி! ரூ.14,000 கோடி எங்கே போனது..? முதல்வர் விஜய்யின் சீக்ரெட்டை உடைத்த பேசிய இபிஎஸ்..! அடுக்கடுக்கான கேள்வியால் அதிர்ச்சியில் தவெக...!!!

தாராபுரம் இடைத்தேர்தல் பிரசாரம் நாளுக்கு நாள் தீவிரமடைந்து வருகிறது. ஐந்துமுனைப் போட்டி நிலவும் நிலையில், தவெக தலைவர் விஜய்யை குறிவைத்து அதிமுக பொதுச்செயலாளர் எடப்பாடி பழனிசாமி பல்வேறு விமர்சனங்களை முன்வைத்துள்ளார். செப்டம்பர் 27 மற்றும் 28-ம் தேதிகளில் தாராபுரத்தில் பிரசாரம் மேற்கொண்ட அவர், விஜய்யின் வருமானம், வரி செலுத்துதல் உள்ளிட்ட விவகாரங்களை கேள்விக்குள்ளாக்கினார்.

விஜய்யின் வருமானம் குறித்து இபிஎஸ் கேள்வி

தாராபுரத்தில் நடைபெற்ற பிரசாரக் கூட்டத்தில் பேசிய எடப்பாடி பழனிசாமி, விஜய் ஒரு படத்திற்கு ரூ.200 கோடி சம்பளம் வாங்குவதாக தவெக ஆதரவாளர்கள் கூறி வருவதைச் சுட்டிக்காட்டினார். 70 படங்களில் நடித்திருப்பதாகக் கணக்கிட்டால், அந்த வருமானம் ரூ.14,000 கோடி இருக்கும் எனக் குறிப்பிட்ட அவர், வேட்புமனுவில் காட்டப்பட்டுள்ள சொத்து வெறும் ரூ.650 கோடி மட்டுமே கணக்கு காட்டப்பட்டுள்ளது. 

இதையும் படிங்க: நேரடியாக இடைத்தேர்தல் களத்தில் குதித்த ஸ்டாலின்...! அண்ணா அறிவாலயத்தில் அவசர ஆலோசனை கூட்டம்... தவெக-வை வீழ்த்த வெறி ஆட்டம் ஆடப்போகும் திமுக..!!!

மேலும், மீதமுள்ள தொகை எங்கே சென்றது என்ற கேள்வியையும் அவர் முன்வைத்தார். கட்சி தொடங்கியதன் பின்னணி குறித்தும் கடுமையான சந்தேகங்களை எழுப்பிய எடப்பாடி பழனிசாமி, இதுகுறித்து விஜய் விளக்கம் அளிக்க வேண்டும் என்ற தொனியில் பேசினார். இவை அனைத்தும் எடப்பாடி பழனிசாமியின் அரசியல் விமர்சனங்களாகவே முன்வைக்கப்பட்டன.

வரி விவகாரத்தையும் முன்வைத்து தாக்குதல்

அரசுக்கு செலுத்த வேண்டிய வரிகளை முறையாக செலுத்தாதவர் எவ்வாறு தூய்மையான ஆட்சியை வழங்க முடியும் என்றும் எடப்பாடி பழனிசாமி கேள்வி எழுப்பினார். வெளிநாட்டில் இருந்து இறக்குமதி செய்யப்பட்ட சொகுசு கார் தொடர்பான வரி விவகாரத்தையும் அவர் தனது பேச்சில் குறிப்பிட்டார்.

தவெக முன்வைக்கும் 'தூய ஆட்சி' என்ற முழக்கத்தையும் விமர்சித்த அவர், அரசியல் நடவடிக்கைகள் தொடர்பாக பல்வேறு குற்றச்சாட்டுகளை முன்வைத்தார். அதிமுக எம்எல்ஏக்களை தங்கள் பக்கம் இழுக்க முயன்றதாகக் கூறப்படும் விவகாரத்தையும் குறிப்பிட்டு, விஜய் தலைமையிலான கட்சியின் செயல்பாடுகள் குறித்து கேள்வி எழுப்பினார்.

தனிப்பட்ட வாழ்க்கை குறித்தும் விமர்சனம்

இதற்கிடையில், விஜய்யின் குடும்ப உறவுகள் குறித்தும் எடப்பாடி பழனிசாமி தனது பிரசாரத்தில் பேசியது அரசியல் வட்டாரத்தில் கவனம் பெற்றுள்ளது. பொதுமக்களை குடும்ப உறவுகளை குறிப்பிட்டு அழைக்கும் விஜய், தனது சொந்த குடும்ப வாழ்க்கையில் எவ்வாறு இருக்கிறார் என்பதையும் கேள்வியாக எழுப்பினார்.

திரைப்படங்களில் நடித்து வந்த விஜய் தற்போது அரசியலிலும் நடிப்பதாகக் கூறி, அவரது அரசியல் அணுகுமுறையை எடப்பாடி பழனிசாமி விமர்சித்தார். தாராபுரம் இடைத்தேர்தல் பிரசாரத்தில் அதிமுகவும் தவெகவும் நேரடியாக மோதும் நிலையில், இரு தரப்பினரின் பிரசாரங்களிலும் ஒருவரை ஒருவர் குறிவைக்கும் பேச்சுகள் தொடர்ந்து வருகின்றன.

இதையும் படிங்க: தேவாலயம் முன்பு திமுக - தவெக நேருக்கு நேர் நின்று வாக்கு சேகரிப்பு! தொண்டர்களின் முழக்கத்தால் சற்று பரபரப்பு...!!!