விஜய் போட்ட ரூட்டை கையில் எடுத்த எடப்பாடி! கடைசி 3 நாளில் தான் தவறவிட்டுட்டோம்... இந்த டைம் அப்படி ஆக கூடாது! எடப்பாடி போட்ட பலே திட்டம்..!!!

சென்னையில் நடைபெற்ற மாவட்ட அதிமுக செயலாளர்கள் மற்றும் நிர்வாகிகள் ஆலோசனைக் கூட்டத்தில் கட்சியின் பொதுச்செயலாளர் எடப்பாடி பழனிசாமி முக்கிய கருத்துகளை பகிர்ந்தார். அண்மைய தேர்தலில் சமூக வலைதளங்களை முழுமையாக பயன்படுத்தத் தவறியதே பின்னடைவுக்குக் காரணமாக இருந்ததாக அவர் தெரிவித்தார். இனி வரும் தேர்தல்களை முன்னிட்டு கட்சி நிர்வாகிகள் அனைவரும் டிஜிட்டல் தளங்களில் தீவிரமாக செயல்பட வேண்டும் என்றும் வலியுறுத்தினார்.

கடைசி 3 நாட்களில் வெற்றி நழுவியது

கூட்டத்தில் பேசிய எடப்பாடி பழனிசாமி, தேர்தல் வாக்குப்பதிவுக்கு முந்தைய இறுதி மூன்று நாட்களில்தான் அதிமுக தனது வெற்றியை இழந்ததாக வருத்தம் தெரிவித்தார். அந்த காலகட்டத்தில் சமூக வலைதளங்களில் எதிரணிகள் மேற்கொண்ட பிரச்சாரங்களுக்கு உரிய பதிலை அளிக்க முடியாத நிலை ஏற்பட்டதாகவும் அவர் சுட்டிக்காட்டியதாக தகவல்கள் தெரிவிக்கின்றன.

இதையும் படிங்க: BREAKING: சற்று முன்....அதிமுக- தவெக கூட்டணியா? அதிகாரப்பூர்வ விளக்கம்....தவெக பொதுச்செயலாளரின் அதிரடி அறிவிப்பு!!!

இதனால், இனி அனைத்து நிர்வாகிகளும் தங்களது சமூக வலைதள கணக்குகளை செயல்பாட்டுடன் வைத்திருக்க வேண்டும் என்றும், மக்களை நேரடியாகச் சென்றடையும் வகையில் தகவல்களை தொடர்ந்து பகிர வேண்டும் என்றும் அறிவுறுத்தினார்.

தவெக பின்பற்றிய உத்திகளை பயன்படுத்த வேண்டும்

தமிழக வெற்றிக் கழகம் பயன்படுத்திய சமூக வலைதள உத்திகள் மற்றும் பிரச்சார முறைகளை ஆய்வு செய்து, அதனை அதிமுகவும் திறம்பட பயன்படுத்த வேண்டும் என அவர் கூறினார். குறிப்பாக Insta Reels போன்ற தளங்களை அதிகமாக பயன்படுத்தி, தற்போதைய அரசின் செயல்பாடுகள் மற்றும் குறைபாடுகளை மக்களிடம் கொண்டு சேர்க்க வேண்டும் என்றும் கேட்டுக்கொண்டார்.

திமுகதான் முக்கிய எதிரி

மேலும், தமிழக வெற்றிக் கழகம் அதிமுகவின் அரசியல் எதிரி அல்ல என்றும், திமுகதான் கட்சியின் பிரதான எதிரி என்றும் எடப்பாடி பழனிசாமி தெளிவுபடுத்தினார். தவெக பெற்றுள்ள வெற்றி தற்காலிகமானது என்றும், அதில் நீண்டகால நிலைத்தன்மை இருக்காது என்றும் அவர் கருத்து தெரிவித்தார்.

தமிழ்நாட்டில் அடுத்து எந்த நேரத்தில் தேர்தல் நடைபெற்றாலும், அதிமுக மீண்டும் வெற்றி பெறும் என்ற நம்பிக்கையையும் அவர் நிர்வாகிகள் மற்றும் தொண்டர்களிடம் வெளிப்படுத்தினார்.

இதையும் படிங்க: தவெக கட்சி அதிமுகவின் எதிரி இல்ல.... அதிமுகவின் உண்மையான எதிரி திமுகதான்! எடப்பாடி பழனிசாமி அதிரடி அரசியல் பேச்சு..!!!!