திமுக அரசு மறுத்தது... ஆனால் முதல்வர் விஜய் என்ன செய்ய போகிறார்! சிக்கலில் சிக்கிய செந்தில் பாலாஜி நிலை என்ன? அமலாக்கத்துறை வைத்த அதிரடி ட்விஸ்ட்....!!!

தமிழக அரசியலில் மீண்டும் பரபரப்பை கிளப்பியுள்ள செந்தில் பாலாஜி தொடர்பான வேலைக்குப் பணம் பெற்ற மோசடி வழக்கில், அமலாக்கத்துறை புதிய நடவடிக்கையில் இறங்கியுள்ளது. இந்த வழக்கில் நீதிமன்ற விசாரணையை தொடங்க மாநில அரசின் அனுமதி தேவைப்பட்ட நிலையில், புதிய தலைமைச் செயலாளர் சாய் குமாருக்கு நேரடியாக கடிதம் அனுப்பப்பட்டுள்ளது. புதிய தவெக அரசு பொறுப்பேற்றுள்ள சூழலில் இந்த நடவடிக்கை அரசியல் வட்டாரத்தில் கவனத்தை ஈர்த்துள்ளது.

அனுமதி இல்லாமல் நின்ற விசாரணை

வேலைக்குப் பணம் பெற்றதாக குற்றச்சாட்டு எழுந்த இந்த வழக்கில், செந்தில் பாலாஜி, அவரது சகோதரர் அசோக் குமார் உள்ளிட்ட 4 பேருக்கு எதிராக அமலாக்கத்துறை நடவடிக்கை மேற்கொண்டிருந்தது. ஆனால் நீதிமன்ற விசாரணையை முன்னெடுக்க மாநில அரசின் அதிகாரப்பூர்வ அனுமதி தேவைப்பட்டதால், வழக்கு அடுத்த கட்டத்திற்கு செல்லாமல் இருந்ததாக கூறப்படுகிறது.

தகவலின்படி, கடந்த திமுக ஆட்சிக் காலத்தில் விசாரணைக்கு அனுமதி வழங்கப்படவில்லை என்று அமலாக்கத்துறை தனது கடிதத்தில் குறிப்பிட்டுள்ளதாக தெரிகிறது.

இதையும் படிங்க: தவெக கட்சியின் சின்னம் "வெளிவந்த 15 நிமிடங்களுக்குள்" உலகப்புகழ் பெறும்! அப்படி என்ன சின்னம்?... புஸ்ஸி ஆனந்த் அதிரடி அறிவிப்பு.!!

புதிய அரசுக்கு ED அனுப்பிய கடிதம்

தற்போது விஜய் தலைமையிலான புதிய அரசு பதவியேற்றுள்ள நிலையில், அமலாக்கத்துறை மீண்டும் இந்த வழக்கை தீவிரப்படுத்தியுள்ளது. தலைமைச் செயலாளர் சாய் குமாருக்கு அனுப்பப்பட்டுள்ள கடிதத்தில், விசாரணைக்கு தேவையான ஆதாரங்கள் மற்றும் ரகசிய குறிப்புகள் இணைக்கப்பட்டுள்ளதாக கூறப்படுகிறது.

இதனால், நீண்ட நாட்களாக நிலுவையில் இருந்த அமலாக்கத்துறை நடவடிக்கை மீண்டும் வேகம் பெறும் வாய்ப்பு இருப்பதாக கோட்டை வட்டார தகவல்கள் தெரிவிக்கின்றன.

அரசியல் வட்டாரத்தில் அதிகரிக்கும் எதிர்பார்ப்பு

இந்த கடிதம் வெளியானதைத் தொடர்ந்து, அறிவாலயம் மற்றும் அரசியல் வட்டாரங்களில் பல்வேறு கணிப்புகள் எழுந்துள்ளன. புதிய அரசு இந்த விவகாரத்தில் என்ன நிலைப்பாடு எடுக்கிறது என்பது தற்போது முக்கிய கவனமாக மாறியுள்ளது.

அதன்பின் மாநில அரசு தரப்பில் இருந்து அதிகாரப்பூர்வ பதில் வெளியாகுமா, விசாரணைக்கு அனுமதி வழங்கப்படுமா என்ற எதிர்பார்ப்பும் அதிகரித்துள்ளது.

இதையும் படிங்க: BREAKING: ஆட்சியை பிடிக்க விஜய்யின் அடுத்த திட்டம்.... உச்ச நீதிமன்றத்தில் த.வெ.க. வழக்கு.!!!