கல்லாப்பெட்டி கூட்டணி...! நடிகரிடம் ஆட்சியைக் கொடுத்தா இப்படித்தான் நடக்கும்! தாராபுரம் பிரச்சாரத்தில் ஆ.ராசா அதிரடிப் பேச்சு... சூடான இடைத்தேர்தல் களம்..!!!

தாராபுரம் சட்டமன்றத் தொகுதி இடைத்தேர்தல் களம் சூடுபிடித்துள்ள நிலையில், திமுக வேட்பாளர் சுகன்யாவுக்கு ஆதரவாக அக்கட்சியின் முன்னணி தலைவர்கள் தீவிர பிரச்சாரத்தில் ஈடுபட்டனர். தாராபுரம் நகர அக்ரஹாரம் பகுதியில் உள்ள சி.எஸ்.ஐ. தூய தோமா ஆலயம் அருகே பொதுமக்களிடம் வாக்கு சேகரிக்கப்பட்டது. கே.என்.நேரு, ஆ.ராசா, அன்பில் மகேஸ் உள்ளிட்டோர் நேரடியாக களத்தில் இறங்கினர்.

ஆலயத்திலிருந்து வெளியே வந்த மக்களிடம் வாக்கு சேகரிப்பு

ஆலயத்தில் வழிபாடு முடித்துவிட்டு வெளியே வந்த மக்களை திமுக தலைவர்கள் சந்தித்தனர். அப்போது திமுக வேட்பாளர் சுகன்யாவுக்கு ஆதரவு கோரியதுடன், உதயசூரியன் சின்னத்திற்கு வாக்களிக்குமாறும் கேட்டுக்கொண்டனர். தாராபுரம் இடைத்தேர்தல் அக்டோபர் 6-ம் தேதி நடைபெற உள்ள நிலையில், தொகுதியில் பிரச்சாரம் தீவிரமடைந்துள்ளது.

இதையும் படிங்க: தாராபுரத்தில் தவெகவின் வெற்றி கஷ்டம் தான்...! வேட்பாளர் சத்தியபாமா கண்ணீர்.. பின்னணியில் யார்? வெளிவந்த அதிருப்தி அரசியல்!!!

தவெக கூட்டணி குறித்து ஆ.ராசா விமர்சனம்

பிரச்சாரத்தின்போது பேசிய திமுக துணை பொதுச்செயலாளர் ஆ.ராசா, எதிர்க்கட்சிக் கூட்டணியை கடுமையாக விமர்சித்தார். தவெக கூட்டணியை 'கல்லாப்பெட்டி கூட்டணி' என குறிப்பிட்ட அவர், வெற்றி பெற்ற 13 பேரை அழைத்துச் சென்ற கூட்டணி என விமர்சனம் முன்வைத்தார். மேலும், டெல்லியில் திமுகவை பார்த்து அஞ்சிய நிலை மாறி, தற்போது ஒரு நடிகரிடம் ஆட்சியை ஒப்படைத்துவிட்டதாக திமுகவை விமர்சிக்கும் சூழல் உருவாகியுள்ளதாக அவர் கூறினார்.

திமுகவின் பலத்தை நிரூபிக்க வேண்டும் என அழைப்பு

தொடர்ந்து பேசிய ஆ.ராசா, திமுக மீது டெல்லியில் நிலவும் பார்வையை மாற்றவும், கட்சியின் பலத்தை மீண்டும் நிரூபிக்கவும் தாராபுரம் மக்கள் ஆதரவு அளிக்க வேண்டும் என கேட்டுக்கொண்டார். குறிப்பாக, உதயசூரியன் சின்னத்திற்கு வாக்களித்து திமுக வேட்பாளர் சுகன்யாவை அதிக வாக்குகள் வித்தியாசத்தில் வெற்றி பெறச் செய்ய வேண்டும் என்றும் அவர் வலியுறுத்தினார்.

தாராபுரம் தொகுதியில் திமுக, தவெக, அதிமுக, நாம் தமிழர் கட்சி உள்ளிட்ட கட்சிகளின் வேட்பாளர்கள் களத்தில் உள்ள நிலையில், பிரச்சாரம் நாளுக்கு நாள் தீவிரமடைந்து வருகிறது. தேர்தல் நெருங்கும் நிலையில், திமுக வேட்பாளர் சுகன்யா ஆதரவாக கட்சியின் முக்கிய நிர்வாகிகள் தொடர்ந்து வாக்கு சேகரிப்பில் ஈடுபட்டு வருகின்றனர்.

இதையும் படிங்க: இடைத்தேர்தல் களத்தில் ஆக்ரோஷமாக களம் இறங்கும் ஸ்டாலின்..! அக்டோபர் 3-ல் மதுராந்தகத்தில்... பரபரக்கும் அரசியல் களம்...!!!