இதய ஆரோக்கியத்தை மேம்படுத்த பச்சைப்பயிறு தோசை.. இன்றே செய்து அசத்துங்கள்..!!

உடல் எடையை குறைப்பதற்கு பச்சைப்பயிறு உதவுகிறது. மேலும், பச்சைப் பயிரினை அடிக்கடி உணவில் சேர்த்துக்கொள்வதன் மூலம் இதய ஆரோக்கியமும் மேம்படும்.

தேவையான பொருட்கள் :

கடலைப்பருப்பு - 2 தேக்கரண்டி 
அரிசி மாவு - 1 தேக்கரண்டி 
சின்ன வெங்காயம் - 10 
பச்சை மிளகாய் - 3 
பச்சை பயிறு - 1 கப் 
தோல் சீவியை இஞ்சி துருவல் - 1 தேக்கரண்டி 
உப்பு - தேவைக்கேற்ப 
எண்ணெய் - தேவைக்கேற்ப 
நறுக்கிய கொத்தமல்லி - 1/2 கப்

செய்முறை :

★முதலில் பச்சை மிளகாய் மற்றும் சின்ன வெங்காயத்தை பொடியாக நறுக்கி கொள்ள வேண்டும்.

★பின் பச்சைப்பயிறுடன், கடலைப்பருப்பு சேர்த்து இரவு முழுவதும் ஊறவைக்க வேண்டும். ஊறவைத்தவற்றை மறுநாள் களைந்து, தண்ணீர் வடிகட்டி மிக்ஸியில் நைசாக அரைக்க வேண்டும்.

★அடுத்து வெங்காயம், இஞ்சி மற்றும் கொத்தமல்லி, மிளகாயை விழுதாக அரைத்து எடுக்க வேண்டும்.

★பச்சைபயிறு மாவுடன் இந்த அரைத்து விழுதை சேர்த்து அரிசி மாவு, தண்ணீர் மற்றும் உப்பு சேர்த்து தோசை மாவு பதத்திற்கு கரைக்க வேண்டும்.

★இறுதியாக தோசைகல் காய்ந்தபின், மாவை தோசைகளாக ஊற்றி எண்ணெய் விட்டு வேகவிட்டு எடுத்தால் பச்சைபயறு தோசை தயாராகிவிடும்.