திருமணத்திற்கு முன் "மாப்பிள்ளை பெண் போல் வேடமும், மணப்பெண் மாப்பிள்ளை வேடமும்" என்ன காரணம் தெரியுமா? எங்கு தெரியுமா? வினோத சம்பவம்!

நூற்றாண்டுகளாக தொடரும் பாரம்பரிய சடங்குகள் இன்னும் உயிருடன் வாழ்கின்றன என்பதை ஆந்திரப்பிரதேசத்தின் பிரகாசம் மாவட்டம் நிரூபிக்கிறது. திருமணம் மற்றும் பூஜை நிகழ்வுகளுக்கு முன் ஆண், பெண் வேட மாற்றம் செய்வது போன்ற கலாசார மரபுகள், காலம் எவ்வளவு மாறினாலும் அவை அழியாமல் தலைமுறைகளாகப் பாதுகாக்கப்படுகின்றன.

கொலுகுலா கிராமத்தின் தனிச்சிறப்பு – மணமகன் பெண் வேடம்

பிரகாசம் மாவட்டத்தின் கொலுகுலா கிராமத்தில், திருமணத்திற்கு ஒரு நாள் முன்பு மணமகன்-மணமகள் உடைகளை மாற்றிக்கொண்டு தங்கள் இஷ்ட தெய்வத்தை வழிபடுவது பாரம்பரியமாக இருந்து வருகிறது. இதில், மணமகன் பெண் வேடத்திலும், மணமகள் ஆண் வேடத்திலும் திகழ்வது சிறப்பு.

இதையும் படிங்க: கனமழை எச்சரிக்கை! மாணவர்களுக்கு விடுமுறை! தமிழக அரசு வெளியிட்ட உத்தரவு...

உடைகளை மாற்றிய மணமகன் திருமண ஊர்வலத்தை வழிநடத்தி பின்னர் குடும்ப தெய்வத்தை வணங்குகிறார். பூஜை முடிந்ததும் இருவரும் தங்களது இயல்பான மணமக்கள் உடையில் மாறி திருமண நிகழ்வு நடைபெறும்.

சிவ கங்குராஜு - நந்தினி திருமணத்தில் மரபு பழையபடி

சமீபத்தில், கொலுகுலா கிராமத்தில் உள்ள பட்டுலா குலத்தைச் சேர்ந்த சிவ கங்குராஜு – நந்தினி தம்பதிகளின் திருமணத்திலும் இந்த வழக்கம் பின்பற்றப்பட்டது. இருவரும் வேட மாற்றத்தில் தோன்றி ஊர்வலத்தில் கலந்துகொண்டனர். பல தலைமுறைகளாக இதை கடைப்பிடித்து வருவதோடு, நவீன காலத்திலும் அதே மரியாதையுடன் தொடர்கிறோம் என அவர்கள் குடும்பத்தினர் தெரிவித்தனர்.

நாகுளுப்பலபாடு ‘அங்கம்மா தாலி ஜாதரா’ – மூன்றாண்டுக்கு ஒருமுறை

பிரகாசம் மாவட்டத்தின் நாகுளுப்பலபாடு கிராமத்தில் மூன்று ஆண்டுகளுக்கு ஒருமுறை நடைபெறும் அங்கம்மா தாலி ஜாதரா விழாவிலும் வேட மாற்று மரபு தொடர்கிறது. இங்கு ஆண்கள் பெண்கள் போல அங்கி அணிந்து தெய்வத்திற்கு பூஜை செய்வது முக்கிய சடங்காகும். மூன்று நாட்கள் நீடிக்கும் இந்த விழா மிகுந்த சடங்குகளுடன் கொண்டாடப்படுகிறது.

பாரம்பரியங்கள் நகர்ந்த காலத்திலும் மாறாமல் தொடரும் இந்த சடங்குகள், பிரகாசம் மாவட்ட மக்களின் கலாசார அடையாளமாக பெருமையுடன் நிலைத்து வருகிறது. இத்தகைய கலாசார மரபுகள் அந்தப் பகுதியின் சமூக ஒற்றுமை மற்றும் தெய்வ நம்பிக்கையின் பலத்தையும் வெளிப்படுத்துகின்றன.