10-ஆம் வகுப்பு மாணவனின் தண்ணீர் பாட்டிலில் இருந்த 'அந்த' பொருள்.! திறந்து பார்த்த ஆசிரியர் அதிர்ச்சியில்... விசாரணையில் வெளியான திடுக்கிடும் பின்னணி..!!!

கேரள மாநிலம் கோழிக்கோடு மாவட்டத்தில் உள்ள ஒரு அரசுப் பள்ளியில், கள்ளச்சாராயம் தண்ணீர் பாட்டிலில் கொண்டு வந்த பத்தாம் வகுப்பு மாணவர் சிக்கிய சம்பவம் பெரும் அதிர்ச்சியை ஏற்படுத்தியுள்ளது. பள்ளி ஆசிரியர்களுக்கு கிடைத்த ரகசிய தகவலின் அடிப்படையில் நடத்தப்பட்ட சோதனையில் இந்த விவகாரம் வெளிச்சத்துக்கு வந்தது.

வகுப்பறை சோதனையில் சிக்கிய தண்ணீர் பாட்டில்

தாமரசேரி பகுதியில் செயல்பட்டு வரும் அரசுப் பள்ளியில், மாணவர்கள் மூலம் கள்ளச்சாராயம் விற்பனை நடைபெறுவதாக ஆசிரியர்களுக்கு தகவல் கிடைத்தது. இதையடுத்து பள்ளி நிர்வாகம் ஒவ்வொரு வகுப்பறையிலும் சோதனை நடத்தியது. அப்போது பத்தாம் வகுப்பு மாணவர் ஒருவர் வைத்திருந்த தண்ணீர் பாட்டிலை பரிசோதித்தபோது அதில் கள்ளச்சாராயம் இருப்பது உறுதி செய்யப்பட்டது. உடனடியாக அது பறிமுதல் செய்யப்பட்டதுடன், பள்ளி நிர்வாகம் போலீசாருக்கு தகவல் தெரிவித்தது.

இதையும் படிங்க: எனக்கு அவன் தான் வேணும்.... நீ வேணாம்! கள்ளக்காதலனுடன் சேர்ந்து மனைவி போட்ட மாஸ்டர் பிளான்! தூக்க மாத்திரை முதல் கழுத்து நெரிப்பு வரை.... இறுதியில் போட்ட பலே நாடகம்! அதிர்ச்சி சம்பவம்!!!

விசாரணையில் வெளியான திடுக்கிடும் தகவல்

பள்ளிக்கு வந்த போலீசார் மாணவரிடம் விசாரணை நடத்தினர். அதில், அவரது நண்பரின் வளர்ப்புத் தந்தைதான் அந்த பாட்டிலைக் கொடுத்து அனுப்பியதாக தெரியவந்தது. மேலும், பள்ளி மாணவர்களை பயன்படுத்தி சட்டவிரோதமாக கள்ளச்சாராய விற்பனை நடைபெற்றதாக போலீசாரின் முதற்கட்ட விசாரணையில் தகவல் வெளியாகியுள்ளது.

28 லிட்டர் பறிமுதல்... தலைமறைவான முக்கிய நபர்

இதையடுத்து சம்பந்தப்பட்ட நபரின் வீட்டில் போலீசார் சோதனை நடத்தியபோது, மறைத்து வைக்கப்பட்டிருந்த சுமார் 28 லிட்டர் கள்ளச்சாராயம் பறிமுதல் செய்யப்பட்டது. ஆனால் போலீசார் வருவதை அறிந்த அந்த நபர் தப்பியோடியதாக கூறப்படுகிறது. அவர் மீது வழக்குப் பதிவு செய்யப்பட்டுள்ள நிலையில், போலீஸ் விசாரணை தீவிரமாக நடைபெற்று வருகிறது.

இதற்கிடையில், கள்ளச்சாராயம் கொண்டு வந்த மாணவர் கைது செய்யப்பட்டு நீதிமன்றத்தில் ஆஜர்படுத்தப்பட்டார். பின்னர் சட்ட நடைமுறைகளின்படி சிறுவர் சீர்திருத்தப் பள்ளிக்கு அனுப்பி வைக்கப்பட்டார். மாணவர்களை பயன்படுத்தி சட்டவிரோத செயல்களில் ஈடுபட்ட இந்த விவகாரம் அப்பகுதியில் பரபரப்பை ஏற்படுத்தியுள்ளதுடன், பெற்றோர்களிடையேயும் கவலையை அதிகரித்துள்ளது.

இதையும் படிங்க: உலகம் கெட்டு போச்சு... ஆண் குழந்தையைப் பெற்ற பிளஸ் 2 மாணவி! அப்பா யாருன்னு கேட்டா ஆடிப்போய்ருவீங்க... பேரதிர்ச்சியில் பெற்றோர்!!!