ரோட்டில் நடந்து வந்த பெண்ணுக்கு பறந்து வந்த எமன்! நெஞ்சை பதைபதைக்க வைக்கும் காட்சி..!!!
இமாச்சலப் பிரதேச மாநிலம் சோலன் மாவட்டம் நலகர் அருகே, அதிவேகமாக வந்த கார் மோதியதில் சாலையோரம் நடந்து சென்ற பெண் படுகாயமடைந்தார். தட்டோவால் பகுதியில் நடந்த இந்த விபத்தில், நிறுத்தப்பட்டிருந்த ஜீப் பல மீட்டர் தூரம் தூக்கி வீசப்பட்டது. இந்தக் காட்சிகள் அங்கிருந்த சிசிடிவி கேமராவில் பதிவாகி சமூக வலைதளங்களில் பரவி வருகின்றன.
ஜீப் மீது மோதிய ஸ்விஃப்ட் கார்
தட்டோவால் பகுதியில் மாருதி சுசுகி ஸ்விஃப்ட் கார் ஒன்று அதிவேகமாக வந்துகொண்டிருந்தது. அப்போது சாலையோரம் நிறுத்தி வைக்கப்பட்டிருந்த ஜீப் மீது கார் பயங்கரமாக மோதியது. மோதலின் வேகத்தில் அந்த ஜீப் பல மீட்டர் தூரத்திற்குத் தூக்கி வீசப்பட்டது.
அந்த நேரத்தில் சாலையோரம் நடந்து சென்றுகொண்டிருந்த பெண் மீது ஜீப் மோதியது. இதில் அவர் பல அடி தூரத்திற்குத் தூக்கி வீசப்பட்டு படுகாயமடைந்தார். மோதிய வேகத்தில் ஸ்விஃப்ட் காரும் கட்டுப்பாட்டை இழந்து சாலையின் நடுவே தலைகீழாகக் கவிழ்ந்தது.
பெண்ணை மீட்டு மருத்துவமனையில் அனுமதி
விபத்தைப் பார்த்த அப்பகுதி மக்கள் உடனடியாக அங்கு ஓடிச் சென்று காயமடைந்த பெண்ணை மீட்டனர். பின்னர் அவரை அருகிலுள்ள மருத்துவமனைக்கு அனுப்பி வைத்தனர். தற்போது அவர் சிகிச்சை பெற்று வரும் நிலையில், உடல்நிலை குறித்த அதிகாரப்பூர்வத் தகவல் வெளியாகவில்லை.
சிசிடிவி காட்சிகள் அடிப்படையில் விசாரணை
விபத்து நடந்த பகுதியிலிருந்த சிசிடிவி கேமராவில் பதிவான காட்சிகள் சமூக வலைதளங்களில் வேகமாகப் பரவி வருகின்றன. அதிவேகமாக வந்த கார் எதனால் கட்டுப்பாட்டை இழந்தது, விபத்துக்கு வேறு ஏதேனும் காரணம் உள்ளதா என்பது குறித்து போலீசார் விசாரணை நடத்தி வருகின்றனர்.
பாதசாரிகள் நடந்து செல்லும் சாலையோரப் பகுதிகளில் வாகனங்கள் வேகத்தைக் கட்டுப்படுத்த வேண்டியதன் அவசியத்தை இந்த விபத்து மீண்டும் நினைவூட்டியுள்ளது.
Death can come from any direction the moment you step onto Indian roads. Just wondering how fast that Swift must have been going to push the Jeep that far. Really hope the lady is safe. Video from Nalagarh, Himachal Pradesh. https://t.co/Sv8kURwtsh
— Nikhil saini (@iNikhilsaini) November 14, 2026
இதையும் படிங்க: ஒரே குடும்பத்தில் அடுத்தடுத்து உயிரிழந்த 3 குழந்தைகள்...! அதுவும் ஒரே அறிகுறியால் நடந்த அதிர்ச்சி... கதறி துடிக்கும் பெற்றோர்..!!!