சுடுகாட்டில் பிணங்களை எரிக்கும் இடத்தில் நடந்த திருமணம்! அங்கேயே விருந்தும் வேற.... பகீர் வீடியோ!!!

வழக்கத்திற்கு மாறான முறையில் திருமணத்தை நினைவாக மாற்ற முயன்ற ஜோடி ஒன்று, சுடுகாட்டைத் தேர்ந்தெடுத்து தாலி கட்டிய சம்பவம் கவனத்தை ஈர்த்துள்ளது. உத்தரப் பிரதேசத்தின் காசியாபாத்தைச் சேர்ந்த மணமகன்–மணமகள் இந்த முடிவை எடுத்துள்ளனர். நிகழ்வு உத்தரகாண்ட் மாநிலம் அல்மோரா மாவட்டத்தில் நடந்தது. தற்போது இதன் வீடியோ இணையத்தில் வேகமாக பரவி வருகிறது.

சுடுகாட்டைத் தேர்ந்தெடுத்த காரணம்

தகவலின்படி, திருமணம் மற்றவர்களிடமிருந்து வித்தியாசமாக இருக்க வேண்டும் என்பதற்காகவே இந்த ஜோடி வழக்கமான மண்டபத்தைத் தவிர்த்து, ஆற்றங்கரையில் அமைந்துள்ள சுடுகாட்டைத் தேர்ந்தெடுத்துள்ளனர். அங்கு நடக்கும் இறுதிச்சடங்குகள் நடுவே திருமண நிகழ்வை நடத்த முடிவு செய்ததாக கூறப்படுகிறது.

இதையும் படிங்க: பயங்கர தள்ளுமுள்ளு... போலீஸ் கையை கடித்து குதறிய தவெக தொண்டர்! பரபரப்பு வீடியோ!

வேள்வி, மந்திரங்கள் நடுவே திருமணம்

நிச்சயிக்கப்பட்ட நாளில், சுடுகாட்டின் மையப்பகுதியில் வேள்வி அமைக்கப்பட்டு, மந்திரங்கள் முழங்க சுடுகாட்டுத் திருமணம் நடைபெற்றது. சுமார் 50-க்கும் மேற்பட்ட உறவினர்கள் மற்றும் நண்பர்கள் கலந்து கொண்டனர். அங்கிருந்த விருந்தினர்களுக்கு உணவும் பரிமாறப்பட்டது. பிணங்களை எரிக்கும் இடத்திற்கு அருகிலேயே நிகழ்ச்சி நடந்ததாகவும் தகவல்கள் வெளியாகியுள்ளன.

வைரலான வீடியோ – கலவையான எதிர்வினைகள்

இந்த நிகழ்வின் வீடியோ சமூக வலைதளங்களில் viral video ஆக பரவி வருகிறது. இதைப் பார்த்த சிலர், வாழ்க்கையின் உண்மை – பிறப்பு, இறப்பு ஆகியவற்றை நினைவூட்டும் முயற்சியாக இதை பாராட்டியுள்ளனர். அதே நேரத்தில், திருமணம் மங்கல நிகழ்வு; அதை இவ்வாறான இடத்தில் நடத்துவது சரியானது அல்ல என மற்றவர்கள் விமர்சித்து வருகின்றனர். இந்நிகழ்வு தற்போது நாடு முழுவதும் பேசுபொருளாக மாறியுள்ளது.

இதையும் படிங்க: என்னம்மா நீங்க....இப்படி பண்றீங்களேம்மா! ஆடையை அணிந்து கொண்டே பாயல் ராஜ்புட் நடிகை செய்யுற வேலையை பாருங்க.... வைரல் வீடியோ!!!