காளிக்கு கோபமா? கோவிலை இடிச்சதில் திசை மாறி விழுந்த கோபுரம்! அதிகாரி பலியான பகீர் வீடியோ!!!

உத்தரப் பிரதேச மாநிலம் சந்தௌலி மாவட்டத்தில் சாலை விரிவாக்கப் பணிக்காக பழமையான கோவில் இடிக்கப்பட்டபோது, கோபுரம் எதிர்பாராத விதமாக சரிந்து பொதுப்பணித்துறை ஊழியர் ஒருவர் உயிரிழந்தார். மேலும் ஒருவர் படுகாயமடைந்துள்ளார். இந்த Temple Demolition விபத்தின் காட்சிகள் சமூக வலைத்தளங்களில் வேகமாக பரவி வருகின்றன.

கோபுரம் சரிந்த நொடியில் நேர்ந்த துயரம்

சந்தௌலி மாவட்டத்தின் பண்டிட் தீனதயாள் உபாத்யா நகரில், பல ஆண்டுகள் பழமையான காளி கோவில் சாலை விரிவாக்கத் திட்டத்திற்காக அகற்றப்பட்டு வந்தது. கோவில் நிர்வாகத்தின் ஒப்புதலுடன் சிலைகள் அனைத்தும் புதிய கோவிலுக்கு மாற்றப்பட்ட பிறகே இடிப்புப் பணி தொடங்கியதாக அதிகாரிகள் தெரிவித்தனர். சம்பவத்தன்று புல்டோசர் மூலம் கோவிலின் பெரிய கோபுரத்தை அகற்றும் பணியில் ஊழியர்கள் ஈடுபட்டிருந்தனர்.

திசைமாறி உருண்ட கோபுரம்; ஊழியர் உயிரிழப்பு

அப்போது கோபுரம் திடீரென சரிந்து புல்டோசர் மீது பலமாக மோதியது. அதன் தாக்கத்தால் கோபுரத்தின் இடிபாடுகள் அருகில் நின்றிருந்தவர்களை நோக்கி வேகமாக உருண்டு சென்றதாக கூறப்படுகிறது. அங்கிருந்தவர்கள் உடனடியாக அங்கிருந்து ஓடினர். இருப்பினும் பொதுப்பணித்துறை ஊழியரான பல்தேவ் யாதவ் இடிபாடுகளில் சிக்கி பலத்த காயமடைந்தார். அவரை மருத்துவமனைக்கு கொண்டு சென்றபோதும் சிகிச்சை பலனின்றி உயிரிழந்தார். மேலும் ஒருவர் தீவிர காயங்களுடன் சிகிச்சை பெற்று வருகிறார்.

இதையும் படிங்க: போலீஸை கேள்வி கேக்க ஆள் இல்லையா? ஹெல்மெட்டுக்கு FINE போடும் இடத்திலேயே விதி மீறிய போலீஸ்! இளைஞரின் துணிச்சல் செயலின் காட்சி...

வைரலான வீடியோ; விசாரணை தொடக்கம்

இந்த கோவில் இடிப்பு சம்பவத்தின் வீடியோ இணையத்தில் பரவியதைத் தொடர்ந்து, இடிப்புப் பணிகள் உடனடியாக நிறுத்தப்பட்டன. பணியின்போது போதிய பாதுகாப்பு நடைமுறைகள் பின்பற்றப்பட்டதா, அதிகாரிகளின் அலட்சியம் ஏதேனும் இருந்ததா என்பது குறித்து போலீசாரும் சம்பந்தப்பட்ட துறையினரும் விசாரணையை தீவிரப்படுத்தியுள்ளனர்.

இதையும் படிங்க: நல்லது செய்ய போனவர்க்கு இப்படியா நடக்கணும்.? கனமழையில் விழுந்த மரத்தை அகற்ற உயிரை விட்ட இளைஞர்..... அதிர்ச்சி வீடியோ!!!