தெரு நாய்கள் கடித்தால் இவ்வளவு நோய் பிரச்சனை வருமா! எத்தனை மணி நேரத்தில் ரேபிஸ் ஊசி போடணும்? அவசியம் தெரிஞ்சுக்கோங்க...

இந்தியாவில் நாளுக்கு நாள் அதிகரித்து வரும் தெருநாய் பிரச்சினை பொதுமக்களின் பாதுகாப்பை பெரிதும் சவாலுக்கு உள்ளாக்கி வருகிறது. நாய் கடி சம்பவங்கள் மற்றும் அதன் மூலம் ஏற்படும் நோய்கள் குறித்து விழிப்புணர்வு பெறுவது மிக அவசியமானதாகியுள்ளது.

நீதிமன்ற உத்தரவும் விலங்கு நலன்

பல உயிர்களை காவு வாங்கிய தெருநாய்களின் தொந்தரவுகளை குறைக்கும் வகையில், சமீபத்தில் உயர் நீதிமன்றம் நாய்களை முகாம்களில் அடைக்க உத்தரவிட்டது. ஆனால், இதற்கு விலங்கு நல ஆர்வலர்களின் கடும் எதிர்ப்பு எழுந்துள்ளது. மனிதர்களின் பாதுகாப்பா முக்கியம் அல்லது விலங்குகளின் உரிமையா என விவாதம் தொடர்கிறது.

நாய் கடியால் ஏற்படும் நோய்கள்

ரேபிஸ்:

நாய் கடியால் ஏற்படும் மிக அபாயகரமான நோயாகும். இது மூளை மற்றும் நரம்பு மண்டலத்தைத் தாக்குகிறது. சரியான நேரத்தில் சிகிச்சை பெறாவிட்டால் உயிரிழப்பும் ஏற்படலாம்.

இதையும் படிங்க: நாய் கடித்தவுடன் 20 நிமிடத்தில் செய்ய வேண்டிய முக்கியமான பாதுகாப்பு நடவடிக்கைகள்! அவசியம் தெரிஞ்சுக்கோங்க...

டெட்டனஸ்:

நாய் வாயில் உள்ள பாக்டீரியா காயத்தில் நுழைந்து தசைகளில் விறைப்பை ஏற்படுத்தும் அபாயம் உண்டு.

தோல் ஒவ்வாமை:

நாய் கடியால் தோலில் அரிப்பு, எரிச்சல், சிவப்பு புள்ளிகள் தோன்றலாம்.

பாக்டீரியா தொற்று:

கடி ஏற்பட்ட இடத்தில் வீக்கம், சிவத்தல், சீழ் போன்ற பிரச்சினைகள் உருவாகக்கூடும்.

முதலில் செய்ய வேண்டியது

நாய் கடித்தால் உடனடியாக காயத்தை 15 முதல் 20 நிமிடங்கள் ஓடும் தண்ணீரில் நன்றாக கழுவ வேண்டும். பின்னர் மருத்துவரை அணுகி உரிய சிகிச்சையும், அவசியமான தடுப்பூசிகளையும் பெறுவது மிக முக்கியம்.

ரேபிஸ் ஊசி அவசியம்

நாய் கடித்த 24 மணி நேரத்திற்குள் முதல் ரேபிஸ் ஊசி போடுவது அவசியம். மொத்தம் 4-5 தடவைகள் இந்த ஊசி போடப்பட வேண்டும். சிகிச்சையை அலட்சியம் செய்யாமல் உடனடியாக மேற்கொள்வது உயிர்காக்கும்.

தெருநாய் பிரச்சினைக்கு தீர்வு காண அரசாங்கமும் சமூகமும் இணைந்து நடவடிக்கை எடுக்க வேண்டும். அதேசமயம், நாய் கடியால் ஏற்படும் அபாயங்களைத் தவிர்க்க ஒவ்வொருவரும் விழிப்புணர்வுடன் இருக்க வேண்டும் என்பதே இன்றைய முக்கிய பாடமாகும்.

இதையும் படிங்க: நாய் கடியால் படுக்கையில் மரண அவஸ்தை படும் பெண்! கண் கலங்க வைக்கும் காட்சி....