நான் செஞ்சி சிறுமியை வயதான தம்பதியருடன் கோயிலில் பார்த்தேன்! பவானி அளித்த அதிர்ச்சி வாக்குமூலம்..! 7 வயது சிறுமி வழக்கில் திடீர் திருப்பம்!!!
செஞ்சியில் மாயமான சிறுமி ஹேமலதாவை நாமக்கல் தத்தகிரி முருகன் கோயிலில் பார்த்ததாக பெண் ஒருவர் தகவல் தெரிவித்துள்ளார். இதையடுத்து சிபிசிஐடி தனிப்படையினர் அங்கு விரைந்து விசாரணை நடத்தி வருகின்றனர்.
by
விழுப்புரம் மாவட்டம் செஞ்சி அருகே மாயமான 7 வயது சிறுமி ஹேமலதா குறித்து முக்கியத் தகவல் கிடைத்துள்ளதாகப் பரபரப்பு ஏற்பட்டுள்ளது. நாமக்கல் தத்தகிரி முருகன் கோயிலில் சிறுமியைப் பார்த்ததாக அங்கன்வாடி சமையலர் பவானி தெரிவித்துள்ளார். இதையடுத்து, சிபிசிஐடி தனிப்படை போலீசார் நாமக்கல் விரைந்து விசாரணையைத் தீவிரப்படுத்தியுள்ளனர்.
நாமக்கல் கோயிலில் சிறுமியைப் பார்த்ததாகப் பெண் தகவல்
செஞ்சி அருகே ஆலம்பூண்டி பகுதியில் மாயமான ஹேமலதாவைத் தேடும் பணி தொடர்ந்து நடைபெற்று வருகிறது. இந்நிலையில், கடந்த அக்டோபர் 29ஆம் தேதி நாமக்கல் தத்தகிரி முருகன் கோயிலில் சிறுமியைப் பார்த்ததாக கோனானூர் பகுதியைச் சேர்ந்த அங்கன்வாடி சமையலர் பவானி பேட்டியளித்துள்ளார்.
அப்போது, சுமார் 35 வயதுடைய இருவரும், 55 வயது மதிக்கத்தக்க ஒருவரும் சிறுமியுடன் இருந்ததாக அவர் கூறியுள்ளார். வயதான தம்பதியருடன் ஹேமலதா இருந்ததாகவும் பவானி தெரிவித்துள்ள நிலையில், இந்தத் தகவல் விசாரணையில் புதிய திருப்பத்தை ஏற்படுத்தியுள்ளது.
நாமக்கல்லில் சிபிசிஐடி தனிப்படை விசாரணை
பவானி அளித்த தகவலைத் தொடர்ந்து, சிபிசிஐடி தனிப்படை போலீசார் உடனடியாக நாமக்கல் சென்று விசாரணை நடத்தி வருகின்றனர். தத்தகிரி முருகன் கோயில் மற்றும் அதைச் சுற்றியுள்ள பகுதிகளில் சிறுமி வந்ததற்கான தடயங்கள் உள்ளனவா என்றும், அவர் கூறிய நபர்கள் யார் என்றும் அதிகாரிகள் விசாரித்து வருவகின்றனர்.
தகவல் உறுதிப்படுத்தப்பட்டதா?
பவானி தெரிவித்த தகவலின் அடிப்படையில் போலீசார் விசாரணையைத் தொடங்கியுள்ள நிலையில், அவர் பார்த்தது ஹேமலதாதானா என்பது இன்னும் அதிகாரப்பூர்வமாக உறுதிப்படுத்தப்படவில்லை. கோயில் பகுதியில் உள்ள கண்காணிப்பு கேமரா பதிவுகள் உள்ளிட்ட ஆதாரங்கள் ஆய்வு செய்யப்பட்டால், இந்தத் தகவலின் உண்மைத் தன்மை தெரியவரும் என எதிர்பார்க்கப்படுகிறது.
பல நாட்களாகத் தொடரும் தேடுதல் வேட்டையில் இந்தத் தகவல் முக்கியத்துவம் பெற்றுள்ளது. சிறுமி இருக்கும் இடத்தைக் கண்டறிந்து அவரைப் பாதுகாப்பாக மீட்க சிபிசிஐடி போலீசார் தொடர்ந்து நடவடிக்கை எடுத்து வருகின்றனர்.
இதையும் படிங்க: செஞ்சி சிறுமியை அக்டோபர் 29 ஆம் தேதி கோயிலில் உயிருடன் பார்த்த அங்கன்வாடி ஊழியர்! சிபிசிஐடியிடம் சிக்கிய அடுத்தடுத்த அதிர்ச்சி உண்மை...!!!
