எடப்பாடி தலையில் அடுத்த இடியை இறக்கிய விஜய்! அதிமுகவை உடைக்கும் சி.வி.சண்முகம்?. விஜய்க்கு ஆதரவாக 30 எம்.எல்.ஏ-க்கள்.... அரசியலில் அடுத்தடுத்து பரபரப்பு.!!!

தமிழக சட்டமன்றத் தேர்தல் முடிவுகள் வெளியான பிறகு மாநில அரசியல் புதிய திருப்பத்தை எடுத்துள்ளது. 108 இடங்களில் வெற்றி பெற்றுள்ள தமிழக வெற்றிக் கழகம், ஆட்சியமைப்பதற்கான கணக்கில் தீவிரமாக இறங்கியுள்ளது. ஆனால் தனிப்பெரும்பான்மை இல்லாததால், அடுத்த சில நாட்கள் தமிழக அரசியலில் முக்கியமானதாக பார்க்கப்படுகின்றன.

பெரும்பான்மைக்கான கடின கணக்கு

சட்டப்பேரவையில் ஆட்சியமைக்க 118 உறுப்பினர்கள் ஆதரவு தேவைப்படுகிறது. ஆனால் சபாநாயகர் நியமனம் மற்றும் விஜய் வென்றுள்ள இரு தொகுதிகளில் ஒன்றை ராஜினாமா செய்ய வேண்டிய நிலை காரணமாக, விஜய் தலைமையிலான தவெக-க்கு மேலும் 12 எம்.எல்.ஏக்கள் ஆதரவு அவசியமாகியுள்ளது.

இதையும் படிங்க: இக்கட்டான இழுப்பறியில் சிக்கிய தவெக விஜய்! இன்னும் 12 வேணும்..... என்ன நடக்கபோது... திமுக ஆட்சியா? இல்ல 6 மாதத்தில் தமிழகத்தில் அடுத்த தேர்தலா? பரபரப்பு தகவல்!!!

இதற்கிடையில், 5 இடங்களை வைத்துள்ள காங்கிரஸ் ஆதரவு அளிக்க முன்வந்துள்ளது. அதேநேரம், பாஜக கூட்டணியில் உள்ள கட்சிகளுடன் இணைப்பு இருக்கக்கூடாது என்ற ராகுல் காந்தியின் நிபந்தனை, தவெக தரப்புக்கு புதிய சிக்கலை உருவாக்கியுள்ளது. குறிப்பாக பாமக ஆதரவு குறித்து அரசியல் வட்டாரங்களில் பல்வேறு பேச்சுகள் நடந்து வருகின்றன.

அதிமுகவில் சி.வி.சண்முகம் நகர்வு

திமுக கூட்டணியில் உள்ள விசிக மற்றும் இடதுசாரி கட்சிகள் தங்கள் நிலைப்பாட்டை மாற்றாமல் இருப்பதால், தவெக கவனம் தற்போது அதிமுக பக்கம் திரும்பியுள்ளது. தகவலின்படி, முன்னாள் அமைச்சர் சி.வி.சண்முகத்தை தவெக தரப்பு அணுகியுள்ளதாக கூறப்படுகிறது.

எடப்பாடி பழனிசாமி தலைமைக்கு எதிராக அதிருப்தியில் இருக்கும் எம்.எல்.ஏக்களை ஒருங்கிணைக்கும் முயற்சியில் சி.வி.சண்முகம் முக்கிய பங்காற்றி வருகிறார். இதனால் அதிமுக கட்சிக்குள் புதிய பிளவு உருவாகும் சூழல் ஏற்பட்டுள்ளதாக அரசியல் பார்வையாளர்கள் கூறுகின்றனர்.

ரகசிய ஆலோசனைகள் தீவிரம்

சி.வி.சண்முகம் தலைமையில் 30-க்கும் மேற்பட்ட எம்.எல்.ஏக்கள் ஆலோசனையில் ஈடுபட்டுள்ளதாக தகவல்கள் வெளியாகியுள்ளன. சட்டமன்றத்தில் புதிய தலைமை மாற்றம் குறித்து உள்ளக பேச்சுவார்த்தைகள் நடந்துவருவதாகவும் கூறப்படுகிறது.

இதையடுத்து, கட்சித் தாவல் தடைச் சட்ட சிக்கல்களை தவிர்த்து தவெக அரசுக்கு ஆதரவு அளிக்கும் வழிகளை அதிருப்தி அணியினர் ஆராய்ந்து வருவதாக தெரிகிறது. இந்த அரசியல் நகர்வுகள் வெற்றி பெற்றால், தமிழகத்தில் முதல் முறையாக விஜய் தலைமையிலான மாற்று ஆட்சி உருவாகும் வாய்ப்பு அதிகரித்துள்ளது.

இதையும் படிங்க: விஜய் போட்ட பிளான் மொத்தமும் நடக்குது.....விஜய்க்கு விஜயபாஸ்கர் திடீர் ஆதரவு! அதிமுக வில் அடுத்தடுத்து 10 க்கு மேல்.....அதிர்ச்சியில் அல்லேலப்படும் எடப்பாடி!!!