விஜய் செய்த அந்த ஒரு தவறு.....இந்த இழுபறிக்கு காரணம் அதுதான்! 108 எம்.எல்.ஏ-க்கள் இருந்தும் முதல்வராக முடியாத நிலையில் சிக்கி தவிக்கும் விஜய்!!!
ஆட்சி அமைக்கும் முயற்சியில் தவெக தலைவர் விஜய் எடுத்த அரசியல் அணுகுமுறையே தற்போது சிக்கலாக மாறியுள்ளதாக அரசியல் வட்டாரங்களில் விவாதம் எழுந்துள்ளது.
by
தமிழக அரசியலில் தேர்தல் முடிவுகளுக்கு பிறகும் பரபரப்பு குறையாத சூழல் நிலவி வருகிறது. 108 எம்.எல்.ஏக்களுடன் தனிப்பெரும் கட்சியாக உருவெடுத்துள்ள தவெக தலைவர் விஜய், இன்னும் ஆட்சி அமைக்க அழைப்பு பெறாதது அரசியல் வட்டாரங்களில் பல கேள்விகளை எழுப்பியுள்ளது.
தகவலின்படி, ஆளுநரிடம் ஆட்சி அமைக்க உரிமை கோரிய விதமே தற்போதைய சிக்கலுக்கு காரணமாக இருக்கலாம் என அரசியல் நோக்கர்கள் கருதுகின்றனர். குறிப்பாக, தவெக தனிப்பெரும் கட்சியாக இருந்தபோதும், காங்கிரஸ் எம்.எல்.ஏக்களின் ஆதரவை இணைத்து ‘கூட்டணி’ என்ற வகையில் அணுகியிருப்பது அரசியல் கணக்கை சிக்கலாக்கியதாக கூறப்படுகிறது.
தவெக தனிப்பட்ட பலத்தை முன்வைக்காதது ஏன்?
அரசியல் விமர்சகர்கள் கூறுவதாவது, முதலில் விஜய் தனது கட்சியின் எம்.எல்.ஏக்களின் ஆதரவு கடிதங்களை மட்டும் ஆளுநரிடம் சமர்ப்பித்து, தனிப்பெரும் கட்சியாக உரிமை கோரியிருக்கலாம் என்பதே. அதன் பின்னர் கூட்டணி ஆதரவை தனியாக நிரூபிக்கும் வாய்ப்பும் இருந்திருக்கலாம் என அவர்கள் சுட்டிக்காட்டுகின்றனர்.
இதனால், ஆரம்ப கட்ட அரசியல் நகர்வில் ஏற்பட்ட தெளிவின்மை தற்போது ஆட்சி அமைக்கும் செயல்முறையில் தாக்கத்தை ஏற்படுத்தியுள்ளதாக பேசப்படுகிறது.
கூட்டணி பேச்சுவார்த்தை முழுமையடையாத சிக்கல்
மறுபுறம், காங்கிரஸ் மட்டுமல்லாமல் விசிக, சிபிஎம், சிபிஐ உள்ளிட்ட கட்சிகளுடனும் முழுமையான பேச்சுவார்த்தை நடத்தி ஒருங்கிணைந்த ஆதரவை பெற்ற பிறகே கூட்டணி அறிவிப்பு வெளியிட்டிருக்க வேண்டும் என்ற கருத்தும் முன்வைக்கப்படுகிறது.
அதன்பின், அனைத்து கட்சிகளின் ஆதரவு கடிதங்களும் ஒரே நேரத்தில் ஆளுநரிடம் சமர்ப்பிக்கப்பட்டிருந்தால் நிலைமை வேறுபட்டிருக்கலாம் என அரசியல் வட்டாரங்கள் மதிப்பிடுகின்றன.
தொடரும் அரசியல் இழுபறி
தற்போது பெரும்பான்மைக்குத் தேவையான எண்ணிக்கையை உறுதி செய்வதற்காக தவெக தரப்பு தொடர்ந்து பேச்சுவார்த்தைகளில் ஈடுபட்டு வருகிறது. ஆனால் ஆளுநர் தரப்பில் தெளிவான முடிவு வெளியாகாததால், தமிழக அரசியலில் அடுத்த கட்ட நகர்வு என்னவாக இருக்கும் என்ற எதிர்பார்ப்பு அதிகரித்துள்ளது.
இதையும் படிங்க: ரகசிய டீல்....விஜய்க்கு ஆளுநர் கொடுத்த சீக்ரெட் பிராமிஸ்..! அந்த ஒரு வார்த்தையால் நிம்மதியாக கிளம்பிய விஜய்!!!
