பட்ஜெட் வரை அமைச்சரவை சீக்ரெட் வெளியே போக கூடாது! அப்படி போனால் உடனே பதவி காலி....! முதல்வர் விஜய்யின் அடுத்தடுத்த எச்சரிக்கையால் நடுக்கம் காணும் அமைச்சர்கள்!!!

தலைமைச் செயலகத்தில் இன்று முதல்வர் விஜய் தலைமையில் நடைபெற்ற தமிழக அமைச்சரவைக் கூட்டத்தில், வரவிருக்கும் பட்ஜெட் கூட்டத்தொடருக்கு முன் முக்கிய ஆலோசனைகள் நடைபெற்றன. தேர்தல் வாக்குறுதிகளை நிறைவேற்றுவது, புதிய மக்கள் நலத் திட்டங்கள் மற்றும் நிர்வாக நடவடிக்கைகள் குறித்து விரிவாக விவாதிக்கப்பட்டதாக தகவல்கள் வெளியாகியுள்ளன.

பட்ஜெட் வரை முழு ரகசியம் காக்க உத்தரவு

கூட்டத்தில் ஒப்புதல் பெறப்பட்ட திட்டங்கள் அனைத்தும் மக்களின் தேவைகளை கருத்தில் கொண்டு வடிவமைக்கப்பட்டுள்ளதாக முதல்வர் தெரிவித்ததாக கூறப்படுகிறது. இதையடுத்து, பட்ஜெட் அதிகாரப்பூர்வமாக தாக்கல் செய்யப்படும் வரை எந்தத் திட்ட விவரமும் வெளியே செல்லக்கூடாது என்றும், அமைச்சர்கள் யாரும் ஊடகங்களிலோ பொதுவெளியிலோ இதுகுறித்து கருத்து தெரிவிக்கக் கூடாது என்றும் அவர் அறிவுறுத்தியதாக தகவல்கள் தெரிவிக்கின்றன.

இதையும் படிங்க: காலையிலேயே அமைச்சர்களுக்கு முதல்வர் விஜய் போட்ட அதிரடி உத்தரவு!!!

ஊழலுக்கு இடமில்லை என எச்சரிக்கை

அமைச்சர்களின் செயல்பாடுகள் வெளிப்படையாகவும், ஊழலற்றதாகவும் இருக்க வேண்டும் என்று முதல்வர் வலியுறுத்தியுள்ளார். தேவையற்ற சர்ச்சைகளில் யாரும் சிக்கக் கூடாது என்றும், தவறு நிரூபிக்கப்பட்டால் எந்தவித பாரபட்சமும் இன்றி கடுமையான நடவடிக்கை எடுக்கப்படும் என்றும் அவர் எச்சரித்ததாக கூறப்படுகிறது. மக்கள் வைத்துள்ள நம்பிக்கையை எந்த சூழலிலும் பாதிக்கக் கூடாது என்பதையும் அவர் நினைவூட்டியுள்ளார்.

அரசுப் பள்ளிகளில் 'ரீல்ஸ்' வீடியோக்களுக்கு தடை

அமைச்சர்கள் தங்களது விளம்பரத்திற்காகவோ அல்லது சமூக ஊடகங்களில் பதிவிடுவதற்காகவோ அரசுப் பள்ளிகளில் ரீல்ஸ் வீடியோக்கள் எடுக்கக் கூடாது என்றும் முதல்வர் உத்தரவிட்டுள்ளார். பள்ளிகள் மாணவர்கள் கல்வி கற்கும் இடங்கள் என்பதால், அவற்றின் இயல்பான சூழலை பாதிக்கும் நடவடிக்கைகளை தவிர்க்க வேண்டும் என்றும், அமைச்சர்கள் தங்களது துறை சார்ந்த பணிகள் மற்றும் மக்கள் சேவையில் முழு கவனம் செலுத்த வேண்டும் என்றும் அவர் அறிவுறுத்தியதாக தகவல்கள் வெளியாகியுள்ளன.

இதையும் படிங்க: அமைச்சர்களுக்கு CM விஜய் போட்ட அதிரடி உத்தரவு.! எந்த ஃபைலிலும் அடுத்த 6 மாதத்திற்கு கையெழுத்து போடக் கூடாது! பின்னணியில் இருக்கும் அந்த ரகசியம்... செக் வைக்க திடீர் தடை விதித்த முதல்வர்!!!