அமைச்சர்களுக்கு CM விஜய் போட்ட அதிரடி உத்தரவு.! எந்த ஃபைலிலும் அடுத்த 6 மாதத்திற்கு கையெழுத்து போடக் கூடாது! பின்னணியில் இருக்கும் அந்த ரகசியம்... செக் வைக்க திடீர் தடை விதித்த முதல்வர்!!!
முதலமைச்சர் விஜய் அமைச்சர்களுக்கு புதிய கட்டுப்பாடுகளை விதித்துள்ளதாக தகவல் வெளியாகியுள்ளது. புதிய ஒப்பந்த கோப்புகளில் 6 மாதங்களுக்கு கையெழுத்திட வேண்டாம் என்ற உத்தரவு அரசியல் வட்டாரத்தில் கவனம் பெற்றுள்ளது.
by
தமிழக அரசில் நிர்வாக ஒழுங்கை மேலும் வலுப்படுத்தும் நோக்கில், முதலமைச்சர் விஜய் அமைச்சர்களுக்கு புதிய கட்டுப்பாடுகளை விதித்துள்ளதாக தகவல்கள் வெளியாகியுள்ளன. ஆட்சிப் பொறுப்பேற்றது முதல் மக்கள் நம்பிக்கையைப் பாதுகாப்பதிலும், நிர்வாகத்தில் வெளிப்படைத்தன்மையை உறுதி செய்வதிலும் அவர் தொடர்ந்து கவனம் செலுத்தி வருவதாக கூறப்படுகிறது.
அமைச்சர்களுக்கு தொடர் அறிவுறுத்தல்
அமைச்சர்கள் தங்களது துறைகளில் முழு கவனம் செலுத்தி, மக்கள் நலத் திட்டங்களை தாமதமின்றி செயல்படுத்த வேண்டும் என்று தொடர்ந்து அறிவுறுத்தப்பட்டு வருகிறது. அதேபோல், பொதுவெளியில் கருத்து தெரிவிக்கும் போது நிதானத்துடன் பேச வேண்டும் என்றும், தேவையற்ற சர்ச்சைகளில் சிக்கி அரசுக்கு பாதிப்பு ஏற்படுத்தக்கூடாது என்றும் ஆரம்பத்திலேயே எச்சரிக்கப்பட்டதாக தகவல்கள் தெரிவிக்கின்றன. இதன் காரணமாக பல அமைச்சர்கள் தற்போது அமைதியான அணுகுமுறையை கடைப்பிடித்து வருவதாக கூறப்படுகிறது.
புதிய ஒப்பந்தங்களுக்கு தற்காலிக தடை?
தகவலின்படி, அடுத்த ஆறு மாதங்களுக்கு தினசரி நிர்வாகச் செலவுகள் மற்றும் வழக்கமான அலுவல் கோப்புகளைத் தவிர, புதிய திட்டங்கள் மற்றும் குறிப்பாக ஒப்பந்தங்கள் தொடர்பான கோப்புகளில் அமைச்சர்கள் கையெழுத்திட வேண்டாம் என்ற உத்தரவு வழங்கப்பட்டுள்ளதாக கூறப்படுகிறது. கடந்த ஆட்சியில் பணியாற்றிய சில ஒப்பந்ததாரர்கள் தற்போதைய அரசையும் அணுகி வருவதாக கிடைத்த தகவல்களின் அடிப்படையில், தேவையற்ற சர்ச்சைகளைத் தவிர்க்க இந்த நடவடிக்கை எடுக்கப்பட்டதாக அரசியல் வட்டாரங்களில் பேசப்படுகிறது.
நிர்வாகத்தில் வெளிப்படைத்தன்மைக்கு முக்கியத்துவம்
எதிர்க்கட்சிகளின் தீவிர கண்காணிப்பு நிலவும் சூழலில், அரசின் செயல்பாடுகள் மீது மக்கள் நம்பிக்கையை நிலைநிறுத்த வேண்டும் என்பதே இந்த முடிவின் முக்கிய நோக்கம் என கூறப்படுகிறது. நிர்வாகத்தில் எந்தவித குற்றச்சாட்டுக்கும் இடமளிக்காமல் செயல்பட வேண்டும் என்ற நோக்கில் எடுக்கப்பட்டதாகக் கூறப்படும் இந்த நடவடிக்கை, வரும் மாதங்களில் தமிழக அரசியல் மற்றும் நிர்வாகத்தில் முக்கிய தாக்கத்தை ஏற்படுத்துமா என்ற எதிர்பார்ப்பை உருவாக்கியுள்ளது.
இதையும் படிங்க: காலையிலேயே அமைச்சர்களுக்கு முதல்வர் விஜய் போட்ட அதிரடி உத்தரவு!!!
