எரியும் பிணத்தில் இருந்து மனித மாம்சத்தை வாளால் எடுத்து உண்ணும் காட்சி...! உஜ்ஜைனி சுடுகாட்டில் நடந்த கொடூரம்...! வைரல் வீடியோவால் சாதுக்கள் கடும் கொந்தளிப்பு..!!!
மத்தியப் பிரதேசம் உஜ்ஜைனி சுடுகாட்டில் எரியும் பிணத்திலிருந்து மனித மாம்சத்தை உண்ணும் காட்சி என கூறப்படும் வீடியோ வைரலானதால் காவல்துறை விசாரணை தொடங்கியுள்ளது.
by
மத்தியப் பிரதேசத்தின் புனித நகரமான உஜ்ஜைனியில் சுடுகாட்டில் நடந்ததாக கூறப்படும் அதிர்ச்சி காட்சி சமூக வலைதளங்களில் வேகமாக பரவி வருகிறது. எரியும் பிணத்திலிருந்து மனித மாம்சத்தை ஒருவர் வாளால் எடுத்து உண்ணும் காட்சிகள் வீடியோவில் இடம்பெற்றுள்ளதாக கூறப்படுகிறது. இதையடுத்து, உள்ளூர் காவல்துறை விசாரணையை தொடங்கியுள்ளது.
வைரலாகி வரும் அந்த வீடியோவில், சுடுகாட்டு சாம்பலுக்கு நடுவே திருநங்கை அகோரி ஒருவர் இருப்பதும், எரியும் ஈமக்கிரியைகளுக்கு அருகில் சர்ச்சைக்குரிய செயலில் ஈடுபடுவதும் பதிவாகியுள்ளது. ஆனால், வீடியோ எப்போது, எங்கு எடுக்கப்பட்டது என்பது உள்ளிட்ட விவரங்கள் இதுவரை முழுமையாக உறுதி செய்யப்படவில்லை.
வைரல் வீடியோவால் சாதுக்கள் அதிருப்தி
காட்சிகள் சமூக வலைதளங்களில் பரவியதும் உஜ்ஜைனியைச் சேர்ந்த ஆன்மீகத் தலைவர்கள் மற்றும் சாதுக்கள் கடும் எதிர்ப்பு தெரிவித்துள்ளனர். புனித நகரத்தின் ஆன்மீக மரபுக்கும் கண்ணியத்துக்கும் களங்கம் ஏற்படுத்தும் வகையில் இதுபோன்ற செயல்கள் நடைபெறுவதாக அவர்கள் குற்றம்சாட்டியுள்ளனர்.
மேலும், மத உணர்வுகளை புண்படுத்தும் வகையிலும் பொதுமக்களிடையே அச்சத்தை ஏற்படுத்தும் வகையிலும் செயல்பட்ட நபர் மீது கடும் நடவடிக்கை எடுக்க வேண்டும் என சாதுக்கள் சங்கத்தினர் வலியுறுத்தியுள்ளனர்.
வீடியோ உண்மைத்தன்மை குறித்து போலீஸ் விசாரணை
இதற்கிடையே, வைரல் வீடியோ உண்மையானதா, அது உஜ்ஜைனியில் எடுக்கப்பட்டதா, காட்சியில் இருப்பவர் யார் என்பதையும் காவல்துறையினர் ஆய்வு செய்து வருகின்றனர். விசாரணையின் முடிவில் அடுத்தகட்ட சட்ட நடவடிக்கை எடுக்கப்படும் என கூறப்படுகிறது.
ஆன்மீகச் சடங்குகள் என்ற பெயரில் பொதுமக்களின் அமைதிக்கு இடையூறு ஏற்படுத்தும் வகையிலான செயல்கள் குறித்து உரிய நடவடிக்கை எடுக்க வேண்டும் என்ற கோரிக்கையும் அப்பகுதியில் எழுந்துள்ளது. உஜ்ஜைனி போலீஸ் விசாரணை முடிவில் வீடியோ தொடர்பான முழு விவரங்கள் தெரியவரும் என எதிர்பார்க்கப்படுகிறது.
இதையும் படிங்க: கையில் கிளவுஸ்சுடன் பள்ளி முதல்வர் வீட்டுக்குள் புகுந்து... 10 ஆம் வகுப்பு மாணவர்கள் செய்த பயங்கரம்! திடுக்கிடும் பின்னணி...!!!
