பெண்களே! நடுராத்திரிலும் பயமில்லாமல் தனியா நடந்து போக ரொம்ப பாதுகாப்பான நாடு இதுதான்! இந்திய பெண் வெளியிட்ட வீடியோ வைரல்!

இன்றைய உலகில் பெண்கள் இரவில் பாதுகாப்பாகச் செல்லும் சூழ்நிலை குறித்து எப்போதும் கேள்விகள் எழுந்துகொண்டே இருக்கின்றன. ஆனால், துபாயில் ஒரு இந்தியப் பெண் நடுராத்திரி நேரத்தில் பாதுகாப்பாக நடந்து சென்ற வீடியோ சமூக வலைதளங்களில் பெரும் வரவேற்பை பெற்றுள்ளது.

துபாயின் நள்ளிரவு வீடியோ

இந்த வீடியோவை இந்திய ஒப்பனை கலைஞர் த்ரிஷா ராஜ் தனது இன்ஸ்டாகிராம் பக்கத்தில் பகிர்ந்துள்ளார். அதிகாலை 2:37 மணிக்கு அவர் சாலையில் தனியாக நடந்து செல்லும் காட்சி பதிவாகியுள்ளது. அந்த வீடியோவில் அவர் கூறியதாவது: “இது உலகம் முழுவதிலும் ஒரே ஒரு இடத்தில் மட்டுமே சாத்தியம் – அது துபாய்! ஹபீபி, துபாய்க்கு வாருங்கள். பெண்கள் இங்கே மிகவும் பாதுகாப்பாக உள்ளனர்!”

த்ரிஷாவின் அனுபவம்

தனது பதிவில் த்ரிஷா, “இந்தியாவில் ஒரு பெண்ணாக வளர்ந்ததால், இரவில் வெளியே செல்லும்போது எப்போதும் சகோதரர் அல்லது நண்பர் துணை தேவைப்பட்டார். ஆனால் துபாயில், இரவு நேரத்திலும் தனியாக சாலையில் நடக்கும்போது எந்த பயமும் இல்லை. நான் நம்பிக்கையுடனும், சுதந்திரமாகவும் இருந்தேன். பெண்களே, நீங்கள் சுதந்திரமான வாழ்க்கையை அனுபவிக்க விரும்பினால், துபாய் உங்கள் கனவுகளை நிறைவேற்றும் இடம்” என தெரிவித்துள்ளார்.

இதையும் படிங்க: வாலிபரை இறுக்கமாக சுத்தி வளைத்த ராட்சத மலை பாம்பு! நொடியில் ஆளே முழுங்கிடும் போல! திக் திக் காட்சி..

சமூக வலைதள வரவேற்பு

இந்த வீடியோ தற்போது வரை 8 லட்சத்திற்கும் அதிகமான பார்வைகள், 52 ஆயிரத்திற்கும் மேற்பட்ட லைக்குகளை பெற்றுள்ளது. பலர் த்ரிஷாவின் அனுபவத்தை ஆதரித்து, துபாயின் பெண்கள் பாதுகாப்பு குறித்து பாராட்டுகளையும் கருத்துக்களையும் பகிர்ந்து வருகின்றனர்.

இந்தியாவில் இன்னும் பெண்கள் இரவு நேரங்களில் தனியாக செல்லும் போது பயம் நிலவுகின்ற நிலையில், துபாயில் பெண்கள் நிம்மதியாக சுதந்திரமாக வாழும் சூழல் உலகளவில் சிறந்த எடுத்துக்காட்டாக வலியுறுத்தப்படுகிறது.

இதையும் படிங்க: அறையில் உள்ள மின்விசிறியில் வாலிபர் செய்த செயலை பாருங்க! ஒரே நாளில் 8 கோடி மக்களை கவர்ந்த காட்சி! அப்படி அதுல என்னதாங்க இருக்குனு நீங்களும் பாருங்க! வைரல் வீடியோ....