போடி வெளியே.... பாரு - கம்ருதீன் வெளியேற்றத்தை கோலாகலமாக கொண்டாடிய தந்தை-மகள்! வைரலாகும் வீடியோ!

ரியாலிட்டி ஷோக்களில் ஒழுக்கமும் மரியாதையும் முக்கியம் என்பதை மீண்டும் வலியுறுத்தும் வகையில், பிக் பாஸ் சீசன் 9-ல் நடந்த ஒரு அதிரடி முடிவு ரசிகர்களின் மனதில் ஆழமாக பதிந்துள்ளது.

அதிரடி ரெட் கார்டு

நிகழ்ச்சி தற்போது பரபரப்பான கட்டத்தை எட்டியுள்ள நிலையில், போட்டியாளர் சாண்ட்ராவிடம் தகாத முறையில் நடந்துகொண்ட கம்ருதீன் மற்றும் பார்வதி ஆகிய இருவருக்கும், தொகுப்பாளரான ரெட் கார்டு நடவடிக்கை எடுத்து உடனடியாக வெளியேற்றினார்.

ரசிகர்களின் ஆதரவு

இவர்களின் அநாகரீகமான செயல்பாடுகள் குறித்து முன்பே அதிருப்தியில் இருந்த ரசிகர்களுக்கு, இந்த முடிவு பெரிய ஆச்சரியத்தையும் மகிழ்ச்சியையும் அளித்தது. பெண்களின் பாதுகாப்பும் கண்ணியமான நடத்தையும் உறுதி செய்யும் வகையில் எடுத்த இந்த தீர்மானம் பெண்கள் பாதுகாப்பு குறித்த வலுவான செய்தியாக பார்க்கப்படுகிறது.

இதையும் படிங்க: Video : ஈரோட்டை அதிரவைத்த விஜய்யின் ‘மாஸ்’ செல்ஃபி! வீடீயோவை வெளியிட்ட விஜய்! இணையத்தில் செம வைரல்!

வைரலான குடும்ப கொண்டாட்டம்

இந்த மகிழ்ச்சி சமூக வலைதளங்களில் பதிவுகளாக மட்டும் நின்றுவிடாமல், நிஜ வாழ்க்கையிலும் கொண்டாடப்பட்டது. இணையத்தில் வைரலான வீடியோ ஒன்றில், விஜய் சேதுபதி ரெட் கார்டு காட்டிய தருணத்தில், ஒரு தந்தை தனது மகளுடன் சேர்ந்து உற்சாகமாக கத்தி மகிழ்ச்சியை வெளிப்படுத்துகிறார். மேலும், கம்ருதீன் மற்றும் பார்வதி வெளியேற்றப்பட்டதை ஒரு குடும்பமே கேக் வெட்டி கொண்டாடும் காட்சிகள் வைரலான வீடியோவாக பரவி வருகிறது.

ஒரு ரியாலிட்டி ஷோவில் நிகழ்ந்த வெளியேற்றம், ஒரு குடும்பத்தின் கொண்டாட்டமாக மாறியிருப்பது, அந்த போட்டியாளர்களின் நடத்தை மீது மக்கள் கொண்டிருந்த கோபத்தையும், சரியான முடிவுக்கு கிடைத்த வரவேற்பையும் தெளிவாக காட்டுகிறது. இது பிக் பாஸ் சீசன் 9-இன் நினைவுகூரத்தக்க தருணமாக மாறியுள்ளது.