முதலமைச்சர் மு.க.ஸ்டாலின் கூறிய குழந்தைகள் தின வாழ்த்து! எவ்வளவு அழகாக என்ன கூறியுள்ளார் பாருங்க!

தமிழகத்தில் குழந்தைகளின் பாதுகாப்பும் வளர்ச்சியும் அதிக முன்னுரிமை பெறும் நிலையில், குழந்தைகள் தினத்தை முன்னிட்டு மாநிலம் முழுவதும் விழிப்புணர்வு மற்றும் நல்லிணக்க உணர்வு வலுப்பெற்று வருகிறது.

முதலமைச்சரின் குழந்தைகள் தின வாழ்த்து

இன்று (நவம்பர் 14) குழந்தைகள் தினத்தையொட்டி, தமிழக முதலமைச்சர் மு.க. ஸ்டாலின் தனது X சமூக வலைத்தளத்தில் வாழ்த்து செய்தி வெளியிட்டுள்ளார். அதில், குழந்தைகள் நலனை உறுதிசெய்ய மாநில அரசு மேற்கொண்டு வரும் பல்வேறு நடவடிக்கைகள் விரிவாக கூறப்பட்டுள்ளன.

இதையும் படிங்க: பெரும் அதிர்ச்சி! 7 வயது சிறுமியை கடித்துக் குதறிய 10 தெரு நாய்கள்! பதற வைக்கும் சிசிடிவி காட்சி...!

தமிழக அரசின் முக்கிய திட்டங்கள்

குழந்தைகள் பிறப்பிலும் வளர்ச்சியிலும் பாதுகாப்பு கிடைக்க மகப்பேறு நிதியுதவி, குழந்தைகள் வலுவாக வளரும் வகையில் ஊட்டச்சத்து திட்டங்கள், பள்ளி மாணவர்களுக்கு சத்தான உணவு வழங்கும் காலை உணவுத் திட்டம் ஆகியவை இடம்பெறுகின்றன. பெற்றோரை இழந்த குழந்தைகளுக்கு ‘அன்புக்கரங்கள்’ திட்டம், உயர்கல்விக்கான ‘நான் முதல்வன்’, ‘புதுமைப்பெண்’, ‘தமிழ்ப்புதல்வன்’ போன்ற திட்டங்களின் பயன்கள் பற்றியும் அவர் குறிப்பிட்டுள்ளார். குழந்தைகளின் ஒட்டுமொத்த நலனுக்காக ‘தமிழ்நாடு மாநிலக் குழந்தைகளுக்கான கொள்கை 2021’ உருவாக்கப்பட்டுள்ளது என்றும் குறிப்பிட்டுள்ளார்.

குழந்தைகளுக்கான முதலமைச்சரின் உறுதி

“குழந்தைகளின் மீது தாயன்பு காட்டி, உங்கள் கனவுகளுக்கு துணை நிற்கும் அரசின் சார்பில் எனது குழந்தைகள் தின நல்வாழ்த்துகள். உங்களின் ஒவ்வொரு அடியிலும் உங்களுடன் நிற்பேன்; நீங்கள் விழாமல் தாங்கிப் பிடித்துக் கொள்வேன்; பரந்த பார்வையும், பகுத்தறிவும் கொண்ட உலகக் குடிமக்களாக உங்களை வளர்ப்பேன்” என முதலமைச்சர் உறுதியளித்துள்ளார்.

இந்நாளில், குழந்தைகளின் உரிமைகளையும் அவர்களின் எதிர்கால முன்னேற்றத்தையும் வலியுறுத்தும் வகையில் அரசு தொடர்ந்து கல்வி மேம்பாட்டு திட்டங்களை முன்னெடுத்து வருவது சிறப்பாகும்.

🤰தமிழ்நாட்டின் குழந்தைகள் நலமாகப் பிறக்க மகப்பேறு நிதியுதவி,

👩‍🍼பிறந்ததும் வளமாக வளர #ஊட்டச்சத்தை_உறுதிசெய்,

🍛 வளர்ந்து பள்ளிக்குச் செல்லும் நிலையிலும்
சத்தான உணவைப் பெறக் #காலை_உணவுத்_திட்டம்,

🤝 பெற்றோரை இழந்த குழந்தைகளுக்கு #அன்புக்கரங்கள்,

🎓 உயர்கல்விக்கு உதவ… pic.twitter.com/mzzkD3NoJC

— M.K.Stalin – தமிழ்நாட்டை தலைகுனிய விடமாட்டேன் (@mkstalin) November 14, 2025