வெற்றியை நோக்கி பயணித்த ஆப்கானிஸ்தான்.! மொத்தத்தையும் தலைகீழாக மாற்றிய பாகிஸ்தான் வீரர்.!

வெற்றியை நோக்கி பயணித்த ஆப்கானிஸ்தான்.! மொத்தத்தையும் தலைகீழாக மாற்றிய பாகிஸ்தான் வீரர்.!


pakisthan won yesterday match

டி20 உலகக்கோப்பை தொடர் ஐக்கிய அரபு அமீரகத்தில் நடைபெற்று வருகிறது. இந்நிலையில், தற்போது அபுதாபியில் நடைபெற்று வரும் 24-வது லீக் ஆட்டத்தில் பாகிஸ்தான் - ஆப்கானிஸ்தான் அணிகள் நேற்று மோதியது. நேற்றைய ஆட்டத்தில் டாஸ் வென்ற ஆப்கானிஸ்தான் அணி முதலில் பேட்டிங்கை தேர்வு செய்தது.

ஆப்கானிஸ்தான் அணியின் துவக்க வீரர்களாக களமிறங்கிய முகமது ஷாஜாத் 8 ரன்கள் எடுத்த நிலையில் அவுட்டாகி வெளியேறினார். ஹஸ்ரத்துல்லாஹ் ஜசாய் டக் அவுட் ஆனார். இறுதியில் ஆப்கானிஸ்தான் அணி 20 ஓவர் முடிவில் 6 விக்கெட் இழப்பிற்கு 147 ரன்கள் எடுத்தனர்.

இதனையடுத்து 148 ரன்கள் எடுத்தால் வெற்றி என்ற இலக்குடன் பாகிஸ்தான் அணி களமிறங்கியது. பாகிஸ்தான் அணியின் துவக்க வீரர்களாக களமிறங்கிய ரிஸ்வான் 8 ரன்களிலும், பகர் சமான் 30 ரன்களிலும்அவுட்டாகி வெளியேறினர். பாகிஸ்தான் அணியின் கேப்டன் பாபர் அசாம் பொறுமையாக விளையாடி 51 ரன்கள் எடுத்தநிலையில் வெளியேறினார். 

இறுதியில் ஆசிப் அலி அதிரடியாக விளையாடி ஒரு ஓவரில் 4 சிக்சர்கள் அடித்து அணியை வெற்றிக்கு அழைத்துச் சென்றார். இறுதியில், பாகிஸ்தான் 5 விக்கெட் வித்தியாசத்தில் ஆப்கானிஸ்தானை வீழ்த்தியது. இதன்மூலம் பாகிஸ்தான் தொடர்ந்து மூன்றாவது வெற்றியை பதிவு செய்துள்ளது. இதன்முலம், குரூப்-2வில் பாகிஸ்தான் முதலிடத்தில் உள்ளது.