"பாலாறு மக்களின் உயிரோடும் ரத்ததோடும் கலந்த ஆறு" ! அரங்கம்மே அதிர்ந்த விஜய்யின் பேச்சு! விஜய் கூறிய வாக்குறுதிகள்!

தமிழக அரசியல் சூடுபிடிக்கும் நிலையில், காஞ்சிபுரத்தில் நடைபெற்ற விஜயின் மக்கள் சந்திப்பு நிகழ்ச்சி மாநில அரசியல் வசீகரத்தையும் மக்கள் நம்பிக்கையையும் கொண்ட முக்கிய தருணமாக அமைந்தது. இந்த நிகழ்ச்சி, பொதுநலக் கேள்விகளை நேரடியாக வைக்கும் வலுவான உரையால் கவனம் ஈர்த்தது.

மக்கள் சந்திப்பு – விஜய் கடும் விமர்சனம்

காஞ்சிபுரத்தில் இன்று நடைபெற்ற நிகழ்ச்சியின் ஏற்பாடுகளை பொதுச் செயலாளர் புஸ்ஸி ஆனந்த் கவனித்தார். நுழைவுச்சீட்டு பெற்ற 2,000 பேருக்கு மட்டும் அனுமதி வழங்கப்பட்டது. மேடையேறிய விஜய் தனது உரையின் தொடக்கத்திலேயே முதல்வர் ஸ்டாலினையும் திமுகவையும் கடுமையாக விமர்சித்தார்.

இதையும் படிங்க: அதிர்ச்சியில் எடப்பாடி! கடுமையான போட்டி... துரோகம் செய்தவர்களுக்கு இதுதான்! 2026 தேர்தல் கூட்டணி குறித்து டிடிவி தினகரன் வெளியிட்ட திடீர் அறிவிப்பு.!

"மக்களை பொய் சொல்லி ஏமாற்றி ஆட்சிக்கு வந்த திமுகவிடம் கேள்வி கேட்காமல் எப்படி இருக்க முடியும்? நடிப்பவர்களையும் நாடகமாடுபவர்களையும் அனுமதிக்க மாட்டோம்," என்று அவர் சவால்விடும் வகையில் பேசியார்.

பாலாறு பற்றிய விஜயின் கவலை

காஞ்சிபுரம் மக்களிடம் உரையாற்றிய அவர், அப்பகுதியின் உயிர்நதியான பாலாறு ஆற்றின் நிலையைத் தீவிரமாக சுட்டிக்காட்டினார். "பாலாறு இங்குள்ள மக்களின் உயிரோடும் ரத்தத்தோடும் கலந்த ஆறு. அதை காப்பாற்றுவதற்கு எதுவும் செய்யாதவர்கள் பெரியார், அண்ணா பெயரை பயன்படுத்துவது வேதனை அளிக்கிறது," என்று விமர்சித்தார்.

அண்ணா – எம்ஜிஆர் மரபு குறித்து பேச்சு

அண்ணாவின் பிறந்த மண்ணான காஞ்சிபுரத்தைக் குறித்து பெருமையாகப் பேசிய விஜய், “நாட்டுக்காக உழைத்தவர் அண்ணா. அவருக்கான மரியாதையாக எம்ஜிஆர் தனது கட்சி கொடியில் அண்ணாவின் படத்தை வைத்தார்,” என கூறினார்.

வாக்குறுதிகள் நிறைவேறாதது மக்கள் ஏமாற்றம்

தற்போதைய அரசியல் சூழலில் தனிப்பட்ட பிரச்சினைகள் எதுவும் இல்லையென்றாலும், மக்களுக்கு வழங்கப்பட்ட வாக்குறுதிகள் நிறைவேறாததை ஏற்க முடியாது என்றும், “மக்கள் நலனுக்காக கேள்வி கேட்பது எங்கள் கடமை” என்றும் விஜய் வலியுறுத்தினார்.

காஞ்சி–பரந்தூர் பிரச்சினைகள் மற்றும் விஜயின் நிலைப்பாடு

பரந்தூர் விமான நிலைய திட்டத்தில் விவசாயிகளுடன் தன்னால் நடைபெற்ற ஒத்துழைப்பை நினைவுகூர்ந்தார். பாலாறு ஆற்றின் மணல் கொள்ளையால் விவசாயிகளும் நெசவாளர்களும் எதிர்கொள்ளும் நெருக்கடிகளையும், தடுப்பணை இல்லாத நிலை, பழைய பேருந்து நிலையப் பிரச்சினைகளையும் அவர் சுட்டிக்காட்டினார்.

தவெக ஆட்சியில் வழங்கப்படும் நலன்கள்

தவெக ஆட்சிக்கு வந்தால், வீடு, இரு சக்கர வாகனம், கல்வி, வேலைவாய்ப்பு, பயம் இல்லாத  மருத்துவ வசதிகள் ஆகியவற்றை மக்களுக்கு வழங்குவோம் என்றும் அவர் தெரிவித்தார். பெண்களுக்கு எதிரான குற்றங்களை தடுக்க கடுமையான நடவடிக்கைகள் எடுக்கப்படும் என்றும் உறுதியளித்தார்.

மீனவர்கள், நெசவாளர்கள், ஆசிரியர்கள், அரசு ஊழியர்கள் உள்ளிட்ட அனைத்து தரப்பினரின் கருத்துகளையும் நேரடியாக கேட்டு தீர்வுகளை செயல்படுத்துவோம் என அறிவித்த விஜயின் உரை, காஞ்சிபுரம் மக்கள் மத்தியில் பெரும் எதிரொலியை ஏற்படுத்தியது.

நாட்டு மக்கள் பிரச்சினைகளைக் கேட்டு தீர்வு தருவோம் என்ற உறுதியுடன் பேசிச் சென்ற விஜயின் இந்த நிகழ்ச்சி, வரவிருக்கும் அரசியல் மாற்றங்களுக்கு முன்னோட்டமாக பார்க்கப்படுகிறது.

இதையும் படிங்க: BREAKING : காஞ்சிபுரத்தில் தவெக விஜய்யின் தேர்தல் வாக்குறுதிகள்! நிரந்தர வீடு, வீட்டுக்கு ஒரு இருசக்கர வாகனம், பட்டப்படிப்பு கட்டாயம்!