ஓ... இது தான் அதோட அர்த்தமா! நல்ல மாட்டுக்கு ஒரு சூடு! எல்லாத்தையும் மாத்திட்டாங்க..... விளக்கம் கொடுத்த அழகாக காட்டிய மதுரை முத்துவின் வீடியோ வைரல்!

பழமொழிகள் தலைமுறைகளாக தமிழரின் வாழ்வியலை பிரதிபலித்தாலும், அவற்றின் உண்மையான அர்த்தங்கள் சில நேரங்களில் தவறாகப் புரிந்து கொள்ளப்படுகின்றன. இதனை சரியாக வெளிப்படுத்தும் வகையில், மதுரை முத்து இன்ஸ்டாகிராமில் வெளியிட்ட காணொளி தற்போது கவனம் பெற்றுள்ளது.

“நல்ல மாட்டிற்கு ஒரு சுவடு” – உண்மையான விளக்கம்

அவரது முதல் விளக்கத்தில், பொதுவாகப் பேசப்படும் “நல்ல மாட்டிற்கு ஒரு சூடு” என்பது தவறானது என்றும், உண்மையில் அது “நல்ல மாட்டிற்கு ஒரு சுவடு” என்பதாகும் என்றும் கூறினார். அதாவது, மாட்டின் காலடிச் சுவடு அதன் தரத்தை வெளிப்படுத்தும் பழமையான நடைமுறையை குறிக்கிறது.

சிலையும் தெய்வமும் – “கல்லைக் கண்டால் நாயகனைக் காணும்”

இரண்டாவது பழமொழி, “கல்ல கண்ட நாயக் காணும், நாய கண்டா கல்ல காணும்” என்பது உண்மையில் “கல்லைக் கண்டால் நாயகனைக் காணும், நாயகனைக் கண்டால் கல்லைக் காணும்” என்பதாகும். இதன் பொருள், சிலையை வெறும் கல்லாகக் கண்டால் அதில் தெய்வம் உணர முடியாது; அதேபோல், தெய்வமாகக் கண்டால் கல் என்பதையே மறந்து விடுவோம்.

இதையும் படிங்க: இவன் தாங்க டிசைன்னர்! ஜப்பான் தபால் பெட்டியை பார்த்துள்ளீர்களா? பாருங்க... ஷாக் ஆகிடுவீங்க.... வைரல் வீடியோ!

“அர்ப்பணிப்பு வாழ்வு” – கொடையின் நேர்மை

மூன்றாவது பழமொழியில், “அப்பனுக்கு வாழ்வு வந்தால் அர்த்த ராத்திரியில் கொடை பிடிப்பான்” என்பது, “அர்ப்பணித்து வாழ்பவனுக்கு கொடை கொடுக்கும் எண்ணம் வந்தால், நேரம் பார்க்காமல் கொடுப்பான்” என்பதாகும். அதாவது, உண்மையான தாராள மனசுடையவர் எந்த நேரத்திலும் பிறருக்கு உதவ முன்வருவார் என்பதே அதன் அர்த்தம்.

இந்த மூன்று பழமொழிகளின் உண்மையான அர்த்தங்களை எளிமையாக விளக்கிய மதுரை முத்துவின் காணொளி, சமூக வலைதளங்களில் பரவலாக பகிரப்பட்டு வைரலாகி வருகிறது. இதன் மூலம் பழமொழிகளின் ஆழமான பொருள் மீண்டும் மக்களின் நினைவில் பதிந்துள்ளது.

இதையும் படிங்க: அய்யோ.... நொடியில் வந்த நரி! குழந்தையின் காலை கடித்து இழுத்து..... பதறவைக்கும் சிசிடிவி காட்சி!