பீரியட்ஸ்-னு சொன்ன மாணவியை அசிங்கபடுத்தி அவமானபடுத்திய பேராசிரியர்! மாணவர்கள் முன்னால் ஏற்பட்ட அசிங்கம்....வீட்டில் துடித்துடித்து இறந்த மாணவி!

பெண்களின் உடல் நலம் குறித்து இன்னும் கேள்விக்குறியாகப் பார்க்கும் சமூக மனப்பான்மை உயிரிழப்புகளாக மாறும் நிலையில், ஹைதராபாத்தில் நடந்த இந்த சம்பவம் பெரும் அதிர்ச்சியை ஏற்படுத்தியுள்ளது.

கல்லூரியில் நடந்த அவமானம்

ஹைதராபாத் மல்காஜ்கிரி அரசு கல்லூரியில் பயிலும் 19 வயது மாணவி வர்ஷினி, ஒருநாள் கல்லூரிக்கு தாமதமாக வந்துள்ளார். இதனால் வகுப்புக்குள் அனுமதி மறுக்கப்பட்ட நிலையில், தான் மாதவிடாய் காரணமாக உடல்நலக் குறைவால் தாமதம் ஏற்பட்டதாக விளக்கினார். ஆனால் அந்த விரிவுரையாளர் இதனை நம்பாமல், சக மாணவர்கள் முன்னிலையில் அவரை இழிவுபடுத்தி "நடிக்கிறாய்" என்று திட்டியதாக கூறப்படுகிறது. இந்த சம்பவம் மாதவிடாய் அவமானம் என்ற சமூக பிரச்சினையை மீண்டும் வெளிச்சத்திற்கு கொண்டு வந்துள்ளது.

மன உளைச்சலால் ஏற்பட்ட பாதிப்பு

விரிவுரையாளரின் அவமானகரமான பேச்சால் கடும் மன வேதனையடைந்த வர்ஷினி, அழுதுகொண்டே வீட்டிற்குச் சென்றுள்ளார். வீட்டில் அவர் மயங்கி விழுந்த நிலையில், மருத்துவமனைக்கு கொண்டு செல்லும் வழியிலேயே உயிரிழந்தார். மூளையில் ஏற்பட்ட ரத்த உறைவு தான் மரணத்திற்குக் காரணம் என மருத்துவர்கள் தெரிவித்தனர். ஆனால், இந்த சம்பவத்திற்கு முன்னர் ஏற்பட்ட மன உளைச்சல் தான் உயிரிழப்புக்கு முக்கிய காரணம் என பெற்றோர் குற்றம் சாட்டுகின்றனர்.

இதையும் படிங்க: கண்ணீர் விட்டு கதறி அழுத பெண்னின் வீடியோ! எந்த பேராசிரியரின் அறைக்கும் நான் செல்லமாட்டேன்.... டெல்லி பல்கலைக்கழ மாணவி வெளியிட்ட அதிர்ச்சி வீடியோ!

பெற்றோரின் குற்றச்சாட்டு

ஒரு பெண் தனது உடல்நலக் காரணங்களுக்கே ஆதாரம் காட்ட வேண்டிய சூழல் இந்த சமூகத்தில் இருப்பது மிகுந்த வேதனை அளிப்பதாக பெற்றோர் தெரிவித்துள்ளனர். விரிவுரையாளரின் பொறுப்பற்ற பேச்சும் அவமானப்படுத்திய செயலும் தங்கள் மகளின் மரணத்திற்கு நேரடி காரணம் என அவர்கள் கூறுகின்றனர். இந்த சம்பவம் பெண்கள் உரிமை குறித்து மீண்டும் தீவிர விவாதத்தை ஏற்படுத்தியுள்ளது.

ஒரு மாணவியின் உயிரிழப்பு சமூகத்தின் அலட்சிய மனப்பான்மையை வெளிப்படுத்துகிறது. கல்வி நிலையங்களில் மனிதநேயமும் மரியாதையும் கடைப்பிடிக்கப்பட வேண்டும் என்பதே இந்த சம்பவத்தின் கடும் எச்சரிக்கை ஆகும்.

SHOW US PROOF OF MENSTRUATION!

19 year old Varshini, a student of Government College, Malkajgiri, Hyderabad was late to college.

Lecturers refused to let Varshini into the classroom. She told her lecturer that she is on her period and hence got delayed.

The great lecturer… pic.twitter.com/oHTvOwvjMB

— Revathi (@revathitweets) January 9, 2026

இதையும் படிங்க: அடக்கடவுளே.... நடுரோட்டில் கதறிய மனைவி! நெஞ்சு வலியால் துடித்த கணவர்! அடுத்தடுத்து நடந்த அதிர்ச்சி! மகன் மரணத்திலும் தாய் செய்த நெகிழ்ச்சி செயல்!