இது என்ன புது அட்டூழியம்... மனு கொடுக்க வந்த பெண்களுக்கு அதிர்ச்சி கொடுத்த எம்.எல்.ஏ..! கோபத்தில் கொந்தளித்த முதல்வர்...!!!

டெல்லியில் பெண்களுக்காக செயல்படுத்தப்படும் ‘லட்சுமி யோஜனா’ உதவித்தொகை திட்டம் தொடர்பான படிவங்களில் கையெழுத்து பெறுவதற்காக பொதுமக்கள் ஆம் ஆத்மி எம்.எல்.ஏ அனில் ஜா வத்ஸை சந்தித்தனர். அப்போது அவர் பனியன், அரைக்கால் சட்டையுடன் அமர்ந்து மனுக்களைப் பரிசீலித்த காட்சிகள் இணையத்தில் வெளியாகி சர்ச்சையை ஏற்படுத்தியுள்ளன. இதற்கு டெல்லி முதல்வர் ரேகா குப்தா கடும் எதிர்ப்பு தெரிவித்துள்ளார்.

பொதுமக்களை சந்தித்தபோது ஏற்பட்ட சர்ச்சை

பெண்கள் உள்ளிட்ட ஏராளமானோர் உதவித்தொகை திட்டத்துக்கான ஆவணப் பணிகளுக்காக எம்.எல்.ஏவை அணுகியிருந்தனர். அந்த நேரத்தில் அனில் ஜா வத்ஸ் அணிந்திருந்த உடை தொடர்பான புகைப்படங்கள் மற்றும் வீடியோக்கள் சமூக வலைதளங்களில் பரவின. மக்கள் பிரதிநிதி ஒருவர் பொதுமக்களை சந்திக்கும் போது கண்ணியமான முறையில் நடந்துகொள்ள வேண்டும் என்ற விவாதமும் எழுந்தது.

இதையும் படிங்க: இப்படி ஒரு முடிவை எடுத்திருக்க கூடாது! குழந்தைகளைப் பத்திரமா பாத்துக்கோங்க... வீட்டிற்கு வந்ததும் கணவன், மனைவி எடுத்த விபரீத முடிவு!வி அதிர்ச்சி சம்பவம்!!!

எம்.எல்.ஏ பதவியை பறிக்க வேண்டும்

இதுகுறித்து முதல்வர் ரேகா குப்தா கடுமையாக விமர்சித்துள்ளார். பொதுமக்களை சந்திக்கும் முறையிலும், சட்டமன்ற நடவடிக்கைகளின் போதும் அனில் ஜா வத்ஸ் தவறான நடத்தை கொண்டதாக அவர் குற்றம்சாட்டினார். மேலும், அவரது எம்.எல்.ஏ பதவியை உடனடியாக பறிக்க வேண்டும் என்றும் வலியுறுத்தினார்.

அரசியல் உள்நோக்கம் என அனில் ஜா வத்ஸ் பதிலடி

முதல்வரின் குற்றச்சாட்டுகளை அனில் ஜா வத்ஸ் திட்டவட்டமாக மறுத்துள்ளார். தன் மீதான விமர்சனங்கள் அனைத்தும் அரசியல் உள்நோக்கம் கொண்டவை என்று அவர் தெரிவித்துள்ளார். மக்களின் அடிப்படை பிரச்சினைகளுக்கு தீர்வு காண முடியாமல் ஆளும் அரசு திணறுவதாகவும், தனது நிர்வாகத் தோல்விகளை மறைக்கவே தன்னை குறிவைத்து குற்றச்சாட்டுகளை முன்வைப்பதாகவும் அவர் பதிலடி கொடுத்துள்ளார்.

இதனால், மக்கள் நலத்திட்டப் பணிகளின்போது நடந்ததாகக் கூறப்படும் உடை விவகாரம் தற்போது டெல்லி அரசியலில் புதிய சர்ச்சையாக மாறியுள்ளது. முதல்வர் ரேகா குப்தாவின் விமர்சனத்துக்கும், அனில் ஜா வத்ஸின் பதிலுக்கும் இடையே அரசியல் மோதல் மேலும் தீவிரமடைந்துள்ளது.

இதையும் படிங்க: கள்ளக்காதலிக்காக ராணுவ புருஷன் செய்த கொடூரம்! 7 மாத கர்ப்பிணி மனைவி வழுக்கி விழுந்ததாக போட்ட நாடகம்... இறுதியில் அம்பலமான அதிர்ச்சி உண்மை!!!