பல சத்துக்கள் நிறைந்த கேழ்வரகு தட்டை.. இல்லத்தரசிகளே இன்றே செய்து அசத்துங்கள்..!!

கேழ்வரகில் பல வகையான சத்துக்கள் நிறைந்துள்ளன. இன்று கேழ்வரகு தட்டை எப்படி செய்வது என்று காணலாம்.

தேவையான பொருட்கள் :

கேழ்வரகு - அரை கிலோ 
கடலைப்பருப்பு - 50 கிராம் 
வறுத்த உளுந்து - 50 கிராம் 
உப்பு - தேவைக்கேற்ப 
மிளகாய்த்தூள் - தேவைக்கேற்ப 
எண்ணெய் - தேவைக்கேற்ப

செய்முறை :

★முதலில் கேழ்வரகை நன்கு அரைத்து மாவாக்கிகொள்ள வேண்டும். இந்த மாவுடன் வறுத்த உளுந்து சேர்த்து நன்கு அரைக்கவும்.

★அரைத்த மாவை ஒரு பாத்திரத்தில் சேர்த்து அதனுடன் உப்பு, மிளகாய்தூள், கடலைப்பருப்பு போட்டு கெட்டியாக பிசைந்துகொள்ள வேண்டும்.

★பின் மாவை சிறிதளவு உருண்டையாக உருட்டி, வாழையிலையில் போட்டு மெல்லியதாக தட்டிக்கொள்ள வேண்டும்.

★அடுத்து கடாயில் எண்ணெய் ஊற்றி சூடானதும், மிதமான தீயில் தட்டி வைத்துள்ள தட்டைகளை ஒவ்வொன்றாக போட்டு பொரித்தெடுக்கவும்.

★அவ்வளவுதான் கேழ்வரகு தட்டுவடை நிமிடங்களில் தயாராகிவிடும்.