விஜய்யின் GOAT படத்தில் ஓப்பனிங் பாடலை எழுதிய ஜாம்பவான்.. உற்சாகத்தில் ரசிகர்கள்!

தமிழ் சினிமாவில் முன்னணி நடிகராக இருப்பவர் தளபதி விஜய். தற்போதைய இவர் இயக்குனர் வெங்கட் பிரபு இயக்கத்தில் தளபதி 68 என்ற திரைப்படத்தில் நடித்து வருகிறார். இந்த திரைப்படத்தை ஏஜிஎஸ் நிறுவனம் தயாரிக்க, யுவன் ஷங்கர் ராஜா இசையமைக்கிறார்.

மேலும், இந்த படத்தில் விஜய்யுடன் பிரசாந்த், மோகன், பிரபுதேவா, ஜெயராம், மீனாட்சி சவுத்ரி, சினேகா, வைபவ், அரவிந்த், பிரேம்ஜி உள்ளிட்ட திரை பிரபலங்கள் பலரும் நடிக்கின்றனர். இந்தப் படத்தின் படிப்பிடிப்பு சென்னை மற்றும் தாய்லாந்தில் நடைபெற்று வந்தது.

தற்போது இந்த படத்தின் படப்பிடிப்பு விறுவிறுப்பாக நடைபெற்று வருகிறது. இதனிடையே இந்தப் படத்திற்கு GOAT என பெயர் வைக்கப்பட்டுள்ளது. இந்த திரைப்படம் விஜயின் பிறந்த நாளை முன்னிட்டு வரும் ஜூன் 22ஆம் தேதி வெளியாகும் என எதிர்பார்க்கப்படுகிறது. 

இந்த நிலையில் GOAT படத்தின் பாடல்கள் குறித்த தகவல் ஒன்று வெளியாகியுள்ளது. அதன்படி இந்த படத்தில் மொத்தம் 5 பாடல்கள் இடம்பெற்றுள்ளதாகவும் அதில் ஒரு பாடலை இயக்குனர் வெங்கட் பிரபுவின் தந்தை கங்கை அமரன் எழுதியுள்ளதாகவும், அந்த பாடல் விஜய்யின் ஓப்பனிங் பாடலாக இருக்கும் என கூறப்படுகிறது.