BREAKING: சற்று முன்... இளையராஜா பாடல்கள் பயன்படுத்த தடை! உயர்நீதிமன்றம் உத்தரவு..!!!

தமிழ் சினிமாவில் இசை உரிமை குறித்த விவாதங்கள் மீண்டும் தீவிரமடைந்துள்ள நிலையில், அஜித் நடித்த குட் பேட் அக்லி திரைப்படம் தொடர்பான வழக்கு புதிய திருப்பத்தை ஏற்படுத்தியுள்ளது. இளையராஜா பாடல்களைப் பயன்படுத்துவதில் சட்டரீதியான பாதுகாப்பு அவசியம் எனும் கோணமும் இச்சம்பவத்தால் வலுப்பெற்றுள்ளது.

இளையராஜா பாடல் தடையை நீக்க கோரிய மனு தள்ளுபடி

அஜித் நடிப்பில் உருவாகி வரும் குட் பேட் அக்லி திரைப்படத்தில் இசையமைப்பாளர் இளையராஜாவின் பிரபல பாடல்களை பயன்படுத்த தடையை நீக்க கோரி மைதிரி மூவி மேக்கர்ஸ் தாக்கல் செய்த மனுவை சென்னை உயர்நீதிமன்றம் தள்ளுபடி செய்துள்ளது.

படத்தில் உள்ள மூன்று பாடல்கள் நீக்க உத்தரவு

குட் பேட் அக்லி படத்தில் இடம்பெற்றிருந்த ‘இளமை இதோ இதோ’, ‘ஒத்த ரூபா தாரேன்’, ‘என் ஜோடி மஞ்ச குருவி’ ஆகிய மூன்று பாடல்களையும் நீக்க வேண்டும் என நீதிமன்றம் உத்தரவிட்டுள்ளது.

அனுமதியின்றி பாடல் பயன்படுத்துவது மட்டுமின்றி அந்தப் பாடல்களை உருமாற்றம் செய்வதைத் தடுக்கவும் இசையமைப்பாளர் இளையராஜாவுக்கு உரிமை உண்டு என்று நீதிபதி வலியுறுத்தினார். இளையராஜா பாடல்களை பயன்படுத்த தடையிட்டிருந்த இடைக்கால உத்தரவை ரத்து செய்ய எந்த காரணமும் இல்லை என்றும் நீதிமன்றம் தெளிவுபடுத்தியது.

இடைக்கால தடையை நீக்க கோரிய மனுவை தள்ளுபடி செய்த நீதிமன்றம், இவ்வழக்கின் பிரதான விசாரணையை வரும் ஜனவரி 26 ஆம் தேதிக்கு ஒத்திவைத்து உத்தரவிட்டுள்ளது.

இந்த தீர்ப்பு தமிழ் சினிமாவின் பாட்டுரிமை விவகாரம் குறித்து மீண்டும் பெரிய பேச்சுபொருளாக மாறியிருக்கிறது. பட தயாரிப்பாளர்கள் மற்றும் இசையமைப்பாளர்கள் இடையேயான உரிமைச் சட்டங்கள் மேலும் தெளிவாக அமைய வேண்டும் என இந்த வழக்கு எடுத்துரைக்கிறது.