என் புள்ளைய என்ன பண்ண போற... குட்டிக்கு ஆபத்து என உணர்ந்த தாய் கரடி செய்த அதிர்ச்சி செயல்! நள்ளிரவில் நடந்த பயங்கரம்... பதறவைக்கும் டேஷ்கேம் வீடியோ..!!!

ஜப்பானின் வடக்குப் பகுதியில் உள்ள ஒக்கைடோ மாகாணம், பிஃபூகா பகுதியில் ஓடும் காரை தாய் கரடி ஒன்று திடீரென தாக்கியது. சாலையைக் கடக்க முயன்ற தனது குட்டிக்கு ஆபத்து ஏற்படும் என கருதிய கரடி, காரின் முன்பகுதியிலும் பக்கவாட்டிலும் பலமுறை மோதியது. இந்த காட்சிகள் காரில் பொருத்தப்பட்டிருந்த டேஷ்கேம் கேமராவில் பதிவாகி தற்போது இணையத்தில் வேகமாக பரவி வருகின்றன.

இரவில் சாலையில் திடீரென தென்பட்ட கரடிகள்

கடந்த 29-ம் தேதி இரவு, பிஃபூகா நகரில் பெண் ஒருவர் காரில் வீட்டுக்குச் சென்று கொண்டிருந்தார். அப்போது இருண்ட சாலையில் திடீரென இரண்டு கரடிகள் தென்பட்டன. இதனால் அவர் காரின் வேகத்தைக் குறைத்து, வாகனத்தை நிறுத்த முயன்றார். பின்னர் அவற்றில் ஒன்று தாய் கரடி, மற்றொன்று அதன் குட்டி என்பது தெரியவந்தது.

இதையும் படிங்க: இது என்ன கொடுமை... நீதிமன்றத் தீர்ப்பு வெளியான சில மணி நேரத்தில் தாய் செய்த கொடூரம்! அடுத்தடுத்து நடந்த அதிர்ச்சி... நெஞ்சை உலுக்கிய சோகம்..!!!

அந்த நேரத்தில் குட்டி கரடி சாலையைக் கடக்க முயன்றதாக கூறப்படுகிறது. காரால் தனது குட்டிக்கு ஆபத்து ஏற்படலாம் என உணர்ந்த தாய் கரடி, திடீரென ஆக்ரோஷமாக மாறியது. அடுத்த சில நொடிகளில் காரை நோக்கிப் பாய்ந்த அது, வாகனத்தின் முன்பகுதியிலும் பக்கவாட்டிலும் தனது உடலால் பலமாக மோதியது.

காரை விட்டு இறங்காமல் அமைதியாக இருந்த ஓட்டுநர்

கரடி காரை தாக்கியபோது ஓட்டுநர் அச்சத்தில் உறைந்தார். இருப்பினும், அவர் காரை விட்டு வெளியே வராமல் உள்ளேயே இருந்தார். தாக்குதலில் வாகனத்தின் முன்பகுதியில் கீறல்கள் மற்றும் சில சேதங்கள் ஏற்பட்டன. அதிர்ஷ்டவசமாக ஓட்டுநருக்கு எந்தவித காயமும் ஏற்படவில்லை.

தாக்குதலை முடித்த பின்னர் தாய் கரடி தனது குட்டியுடன் அருகிலிருந்த வனப்பகுதியை நோக்கி வேகமாக ஓடி மறைந்தது. ஓட்டுநர் பாதுகாப்பாக இருப்பது உறுதி செய்யப்பட்ட நிலையில், டேஷ்கேமில் பதிவான காட்சிகள் தற்போது சமூக வலைதளங்களில் கவனம் பெற்றுள்ளன.

வாகன ஓட்டிகளுக்கு காவல்துறை எச்சரிக்கை

ஒக்கைடோ மாகாணக் காவல்துறை இந்த டேஷ்கேம் காட்சிகளை வெளியிட்டு, கரடிகள் நடமாடும் பகுதிகளில் இரவு நேரப் பயணத்தின்போது வாகன ஓட்டிகள் கூடுதல் எச்சரிக்கையுடன் இருக்க வேண்டும் என அறிவுறுத்தியுள்ளது. சாலையில் கரடிகளைக் கண்டால் அவற்றை நெருங்கவோ, காரை விட்டு வெளியேறவோ கூடாது என்றும், வாகனத்திற்குள் பாதுகாப்பாக இருப்பதே முக்கியம் என்றும் காவல்துறை தெரிவித்துள்ளது.

இதையும் படிங்க: இப்படி பண்ணிடீங்களே..! ஆசையா அம்மாவுக்கு ஐஸ்கிரீம் ஊட்டிய குழந்தை! ஒரே வாயில் ஒட்டுமொத்தத்தையும் சாப்பிட்ட தாய்... கதறி அழுதுகொண்டே குழந்தை செய்த காரியத்தை பாருங்க...!!!