இது என்ன கொடுமை... நீதிமன்றத் தீர்ப்பு வெளியான சில மணி நேரத்தில் தாய் செய்த கொடூரம்! அடுத்தடுத்து நடந்த அதிர்ச்சி... நெஞ்சை உலுக்கிய சோகம்..!!!
அமெரிக்காவின் ஹூஸ்டனில் குழந்தை பராமரிப்பு உரிமை வழக்கில் நீதிமன்ற தீர்ப்பால் அதிருப்தியடைந்த தாய், 4 வயது மகளை சுட்டுக் கொன்று தானும் தற்கொலை செய்துகொண்டார்.
by
அமெரிக்காவின் டெக்சாஸ் மாநிலம் ஹூஸ்டன் நகரில் குழந்தை பராமரிப்பு உரிமை தொடர்பான வழக்கைத் தொடர்ந்து அதிர்ச்சி சம்பவம் நடந்துள்ளது. நீதிமன்ற தீர்ப்பால் அதிருப்தியடைந்த 35 வயது சிபெல்லா சவெல்லா, தனது 4 வயது மகள் விவியனை துப்பாக்கியால் சுட்டுக் கொன்றதாக கூறப்படுகிறது. பின்னர் அதே துப்பாக்கியால் தன்னைத்தானே சுட்டுக்கொண்டு உயிரை மாய்த்துக்கொண்டார்.
தந்தைக்கு வழங்கப்பட்ட முதன்மை பராமரிப்பு உரிமை
விவியனை யார் பராமரிப்பது என்பது தொடர்பான வழக்கு நீதிமன்றத்தில் நடைபெற்று வந்தது. விசாரணையின் முடிவில், சிறுமியின் முதன்மை பராமரிப்பு உரிமையை அவரது தந்தை ஆரோன் சவெல்லாவுக்கு நீதிமன்றம் வழங்கியது.
மேலும், சிபெல்லா தனது மகளை சந்திக்க வேண்டுமெனில், கண்காணிப்பாளரின் மேற்பார்வையில்தான் சந்திக்க வேண்டும் என நீதிமன்றம் உத்தரவிட்டிருந்ததாக தெரிவிக்கப்படுகிறது. இந்த தீர்ப்பு அவருக்கு கடும் அதிருப்தியை ஏற்படுத்தியதாக கூறப்படுகிறது.
தீர்ப்பு வெளியான சில மணி நேரத்தில் விபரீதம்
நீதிமன்ற தீர்ப்பு வெளியான சில மணி நேரங்களிலேயே சிபெல்லா தனது மகளை துப்பாக்கியால் சுட்டதாக தகவல்கள் தெரிவிக்கின்றன. இதில் 4 வயது விவியன் உயிரிழந்தார். அதன்பின் சிபெல்லாவும் அதே துப்பாக்கியை பயன்படுத்தி தற்கொலை செய்துகொண்டதாக கூறப்படுகிறது.
குழந்தை பராமரிப்பு உரிமை தொடர்பான வழக்கில் தனக்கு சாதகமாக தீர்ப்பு அமையாததால் சிபெல்லா கடுமையான மன அழுத்தத்தில் இருந்ததாக தகவல்கள் வெளியாகியுள்ளன. இதுகுறித்து போலீசார் தொடர்ந்து விசாரணை நடத்தி வருகின்றனர். பிஞ்சு குழந்தையின் உயிரிழப்பும், அதைத் தொடர்ந்து நிகழ்ந்த தாயின் மரணமும் ஹூஸ்டன் பகுதியில் பெரும் சோகத்தை ஏற்படுத்தியுள்ளது.
