Video : உலகம் முழுவதும் ஒரே நாளில் ட்ரெண்டான 11 வயது சிறுவன்! அப்படி என்னதான் செஞ்சான்னு நீங்களே பாருங்க! இணையத்தை கலக்கும் வீடியோ....

இந்தோனேசியாவின் ரியாவ் மாகாணத்தில் நடைபெறும் பாரம்பரிய படகு போட்டியான பாசு ஜலூர் நிகழ்வில் 11 வயது சிறுவன் ரையான் அர்கான் திகா தனது ஆச்சரியமான நடன திறமையால் உலக மக்களின் கவனத்தை ஈர்த்துள்ளார். கண்ணாடியுடன் கண்ணை கட்டி படகின் முனையில் நடனமாடும் இந்த சிறுவன், இப்போது “ஆல்டிமேட் ஆரா ஃபார்மர்” என்ற பட்டத்தை இணையவுலகத்தில் பெற்றுள்ளார்.

திகா, போட்டியில் 'துகாங் தாரி' எனப்படும் உற்சாக ஊக்குவிப்பவராக செயல்படுகிறார். இது வெறும் நடனம் அல்ல; குழுவின் நம்பிக்கையை உயர்த்தும் ஒரு பாரம்பரியக் கலை. 9வது வயதிலிருந்தே இவர் இதில் பங்கேற்று வருகிறார். இவரின் வீடியோவை TikTok பயனர் லென்சா ராம்ஸ் பதிவிட்டதுமே அது சமூக ஊடகங்களில் வைரலானது.

டிராவிஸ் கேல்சி, பாட்டி ஆனிமல்ஸ் பேஸ்பால் அணி, டியகோ லூனா ஆகிய அமெரிக்க பிரபலங்களும் திகாவின் நடனத்தை ரீமேக் செய்து அதிக வரவேற்பைப் பெற்றுள்ளனர். இந்த நடனம், ஒரு சிறுவர் கலைஞன் உலக கலாச்சாரத்தின் பிரமுகராக மாறுவதற்கு உதவியுள்ளது.

இதையும் படிங்க: ஐந்து வகை வீடியோக்களுக்கு தடை விதித்த யூடியூப்! புதிய விதிகள் அமல்! இனி வருவாய் பெறுவது எப்படி தெரியுமா?

திகாவின் வருகை அரசாங்கத்தின் கவனத்தையும் பெற்றது. ரியாவ் மாகாண அரசு அவரை பர்யடக தூதுவராக நியமித்து 20 இலட்சம் ரூபியா கல்வி உதவித்தொகையையும் வழங்கியுள்ளது. ஆளுநர் அப்துல் வஹித்தை நேரில் சந்தித்து நடனமாடிய நிகழ்வு இணையத்தில் பெரும் வரவேற்பைப் பெற்றது. “என் கனவிலும் எதிர்பார்க்கவில்லை” என திகா கூறியுள்ளார்.

வரும் ஆகஸ்ட் மாதம் நடைபெறும் பாசு ஜலூர் போட்டியில் திகாவின் கலை இன்னும் பலரைக் கவரும் என்பதில் சந்தேகம் இல்லை. இளம் தலைமுறைக்கு திகா ஓர் உத்வேகமான முன்மாதிரியாக திகழ்கிறார்.

இதையும் படிங்க: இரண்டு ஆண்டுகள் கழித்து டெலிவரி பாய் போல வந்த பேரன்! மகிழ்ச்சியில் பாட்டி செய்த செயலையெல்லாம் பாருங்க.. நெகிழ்ச்சி வீடியோ இதோ...