அதிஷ்டம் எப்படில்லாம் வருது பாருங்க.... வாத்தின் வயிற்றுக்குள் இருந்த தங்கம்! இறைச்சிகாக வாத்தை வெட்டியதில் கிடைத்த அதிர்ச்சி! சம்பவத்தின் இப்படி ஒரு பின்னணியா...!!!
சீனாவின் ஹுனான் மாகாணத்தில் வாத்தின் வயிற்றுக்குள் 10 கிராம் தங்கம் கண்டுபிடிக்கப்பட்ட சம்பவம் ஆச்சரியத்தை ஏற்படுத்தியுள்ளது. இந்த வினோதம் சமூக வலைதளங்களில் வைரலாகியுள்ளது.
by
சில நேரங்களில் சாதாரண சம்பவங்களே உலகம் முழுவதும் பேசப்படும் செய்திகளாக மாறிவிடுகின்றன. அதுபோன்ற ஒரு வினோதமான சம்பவம் சீனாவில் தற்போது கவனத்தை ஈர்த்துள்ளது. ஒரு வாத்தின் வயிற்றில் தங்கம் கண்டுபிடிக்கப்பட்டது பலரையும் ஆச்சரியத்தில் ஆழ்த்தியுள்ளது.
வாத்தை வெட்டியபோது கிடைத்த அதிர்ச்சி
மத்திய சீனாவின் ஹுனான் மாகாணத்தில் உள்ள ஒரு கிராமத்தில் வசிக்கும் லியு என்ற நபர், தன்னிடம் வளர்த்து வந்த வாத்தை இறைச்சிக்காக வெட்டியபோது அதன் வயிற்றுக்குள் சிறிய துகள்கள் மின்னுவது போல் இருப்பதை கவனித்தார். இதனால் சந்தேகமடைந்த அவர் அந்தத் துகள்களை எடுத்துப் பார்த்து நெருப்பில் சோதனை செய்தபோது, அவை உண்மையான தங்கத் துகள்கள் என்பது உறுதி செய்யப்பட்டது.
10 கிராம் தங்கம் கிடைத்த அதிசயம்
அந்த வாத்தின் வயிற்றிலிருந்து மொத்தம் 10 கிராம் அளவிலான தங்கம் எடுக்கப்பட்டது. சர்வதேச சந்தை மதிப்பில் இதன் விலை சுமார் 1,800 டாலர்கள், அதாவது இந்திய மதிப்பில் சுமார் ₹1.6 லட்சம் வரை இருக்கும் என கூறப்படுகிறது.
இதையும் படிங்க: பழைய சிம் கார்டு மூலம் ரூ.31 லட்சத்திற்கு தங்கம் எடுத்த நபர்! உடனே நிபுணர்கள் வெளியிட்ட முக்கிய உண்மை!!!
நதிக்கரையில் உணவு தேடிய வாத்து
லியு வளர்த்த வாத்துகள் அனைத்தும் திறந்த வெளியில் மேய்ந்து வளர்ந்தவை. அந்தப் பகுதியில் உள்ள ஒரு நதி முற்காலத்தில் தங்கச் சுரங்கங்களுக்குப் புகழ்பெற்றதாக இருந்ததாக கூறப்படுகிறது. உணவு தேடி நதிக்கரையில் மண்ணைத் தோண்டியபோது, மண்ணுடன் கலந்திருந்த தங்கத் துகள்களையும் வாத்து விழுங்கியிருக்கலாம் என கருதப்படுகிறது.
சமூக வலைதளங்களில் வைரல்
தங்கம் பொதுவாக ஜீரணிக்கப்படாமல் உடலுக்குள் தங்கிவிடும் தன்மை கொண்டதால், அது வாத்தின் வயிற்றில் தேங்கி இருந்ததாக நிபுணர்கள் கூறுகின்றனர். இந்த சம்பவம் சமூக வலைதளங்களில் வைரலாக பரவிய நிலையில், லியுவின் தந்தை இதை தங்கள் குடும்பத்திற்கு வரவிருக்கும் நல்ல ஆண்டின் அறிகுறி என மகிழ்ச்சியுடன் தெரிவித்துள்ளார்.
சீனாவில் இத்தகைய சம்பவங்கள் அரிதாகவே நிகழ்ந்தாலும், இந்த விசித்திரமான நிகழ்வு அந்தப் பகுதி மக்களிடையே ஒரு அதிர்ஷ்ட ஜாக்பாட் கிடைத்ததுபோல் பேசப்பட்டு வருகிறது.
