எப்போ என்ன நடக்கும்னு தெரியாது! காஃபி ஷாப் போறதே ஒரு சாகசம்! ஆனால் காஃபி செம டேஸ்ட்! ஒரு கப் காஃபி விலை ரூ.4700.... பாறையின் அந்தரத்தில் தொங்கியபடி ஒரு கடை! பகீர் வீடியோ..!!!!
சீனாவின் புஜியான் மாகாணத்தில் 60 மீட்டர் உயரத்தில் பாறையின் விளிம்பில் அமைந்துள்ள குஷி கிளிஃப் காபி ஷாப் இணையத்தில் வைரலாகி சாகச விரும்பிகளை கவர்ந்து வருகிறது.
- Mar 4, 2026 11:39:42 AM
by
Web Team
- #உலகம் #சமூகம் #Viral Video
உலகம் முழுவதும் வித்தியாசமான உணவகங்கள் மற்றும் காபி ஷாப்புகள் சுற்றுலா பயணிகளை கவர்ந்து வருகின்றன. அதில் ஒன்றாக சீனாவில் அமைந்துள்ள குஷி கிளிஃப் காபி தற்போது சமூக வலைதளங்களில் பெரும் கவனத்தை ஈர்த்துள்ளது. கடல் மட்டத்திலிருந்து 60 மீட்டர் உயரத்தில் பாறையின் விளிம்பில் தொங்கிக்கொண்டு காபி குடிக்கும் அனுபவம் பலரையும் ஆச்சரியத்தில் ஆழ்த்தியுள்ளது.
பாறையின் விளிம்பில் அமைந்த காபி ஷாப்
சீனாவின் புஜியான் மாகாணத்தில் அமைந்துள்ள இந்த வினோதமான காபி ஷாப், உலகின் மிகவும் அபாயகரமான உணவகங்களில் ஒன்றாக கருதப்படுகிறது. செங்குத்தான மலையின் விளிம்பில் பொருத்தப்பட்டுள்ள சிறிய பிளாட்பாரத்தில் அமர்ந்தே வாடிக்கையாளர்கள் காபி அருந்த வேண்டும். கீழே சீறிப்பாயும் கடல் அலைகளை ரசித்தபடி கையில் காபி பிடித்து அமர்வது ஒரு வித்தியாசமான அனுபவமாக உள்ளது.
அங்கு செல்வதே ஒரு சாகசம்
இந்த இடத்தை அடைவது எளிதானது அல்ல. முதலில் சுமார் 30 நிமிடங்கள் கரடுமுரடான மலைப்பாதையில் ஏறிச் செல்ல வேண்டும். அதன் பின்னர் பயிற்சியாளர்களின் உதவியுடன் பாதுகாப்பு கயிறுகள் மூலம் 60 மீட்டர் உயரத்தில் தொங்கும் பிளாட்பாரத்திற்கு வாடிக்கையாளர்கள் இறக்கப்படுவார்கள். இதனால் இந்த அனுபவம் உண்மையான சாகச அனுபவம் எனப் பார்க்கப்படுகிறது.
இதையும் படிங்க: நம்பவே முடியல... பசுமாட்டின் மடியில் சொட்ட சொட்ட பால் குடித்த விஷப்பாம்பு! ஷாக் வீடியோ.....
ஒரு கப் காபியின் விலை
இந்த காபி ஷாப்பில் ஒரு கப் காபியின் விலை 398 யுவான், அதாவது இந்திய மதிப்பில் சுமார் 4,700 ரூபாய். இதில் பாதுகாப்பு உபகரணங்களின் வாடகை, பயிற்சியாளர் கட்டணம் மற்றும் காப்பீடு ஆகியவை அடங்கும். ஒருமுறை மேலே சென்றுவிட்டால், வாடிக்கையாளர்கள் எவ்வளவு நேரம் வேண்டுமானாலும் அங்கு அமர்ந்து இயற்கையை ரசிக்க அனுமதி வழங்கப்படுகிறது.
இந்த வினோதமான சீனா காபி ஷாப் தொடர்பான வீடியோக்கள் தற்போது சமூக வலைதளங்களில் வைரலாகி வருகின்றன. உயரத்தை கண்டு பயப்படுபவர்களுக்கு இது அச்சத்தை ஏற்படுத்தினாலும், சாகசத்தை விரும்புபவர்களுக்கு வாழ்நாளில் மறக்க முடியாத அனுபவமாக இது மாறி வருகிறது.
இதையும் படிங்க: உடம்பெல்லாம் புல்லரிக்குது...வீட்டின் வெளியே தண்ணீரில் நீந்திய ராட்சத மலைப்பாம்பு! திக் திக் திகில் காட்சி !!!
