இரவு நேரத்தில் குடியிருப்பாளர்களை குறிவைத்து தாக்கும் ஆந்தை..! பின்னணி என்ன? திகில் சம்பவம்..!!!
அமெரிக்காவின் சில நகரங்களில் இரவில் நடந்து செல்பவர்களை ஆந்தைகள் திடீரென தாக்கி காயப்படுத்தி வருகின்றன. இதனால் குடியிருப்பாளர்கள் அச்சமடைந்துள்ளனர்.
அமெரிக்காவின் சில நகரங்களில் இரவு நேரங்களில் நடைப்பயிற்சி மேற்கொள்ளும் மக்களை ஆந்தைகள் திடீரென தாக்கி வருவது அச்சத்தை ஏற்படுத்தியுள்ளது. பின்னால் இருந்து அமைதியாகப் பறந்து வந்து தலையில் நகங்களால் கீறிவிட்டு செல்லும் இந்த ஆந்தைகளால் பலர் காயமடைந்துள்ளனர். இதனால் அப்பகுதி மக்கள் மாலை மற்றும் இரவு நேரங்களில் வெளியே செல்லத் தயங்கும் நிலை ஏற்பட்டுள்ளது.
பின்னால் இருந்து திடீர் தாக்குதல்
இரவு நேரங்களில் சாலைகளில் நடந்து செல்லும் குடியிருப்பாளர்களை ஆந்தைகள் யாருக்கும் தெரியாமல் பின்னால் இருந்து பறந்து வந்து தாக்குவதாகக் கூறப்படுகிறது. தலையில் நகங்களால் கீறிவிட்டு பறந்து செல்லும் இந்த ஆந்தைகளுக்கு அப்பகுதி மக்கள் 'தீய ஆந்தை' எனப் பெயரிட்டுள்ளனர். இதுபோன்ற தாக்குதல்களில் காயமடைந்த சிலர் மருத்துவமனைகளிலும் சிகிச்சை பெற்றுள்ளனர்.
தாக்குதலுக்கான காரணம் என்ன?
ஆந்தைகள் மனிதர்களைத் தொடர்ந்து தாக்குவதற்கான காரணம் இதுவரை தெளிவாகத் தெரியவில்லை. பொதுவாக, இனப்பெருக்க காலத்தில் தங்களின் கூடுகளையும் குஞ்சுகளையும் பாதுகாக்க பறவைகள் மனிதர்களைத் தாக்குவது வழக்கம். ஆனால், இந்த ஆந்தைகளின் தொடர்ச்சியான தாக்குதல் வழக்கத்திற்கு மாறானதாகக் கருதப்படுகிறது.
இரவில் வெளியே செல்பவர்களுக்கு எச்சரிக்கை
இதையடுத்து, அப்பகுதிகளில் வனவிலங்கு அதிகாரிகள் எச்சரிக்கைப் பலகைகளை வைத்துள்ளனர். இரவு நேரங்களில் வெளியே செல்லும் மக்கள் தலையைப் பாதுகாக்க தொப்பி அணிந்து செல்லுமாறும் அறிவுறுத்தப்பட்டுள்ளது. ஆந்தைகளின் தாக்குதல் அதிகரித்துள்ளதால், குடியிருப்பாளர்கள் பாதுகாப்புடன் நடமாட வேண்டிய சூழல் உருவாகியுள்ளது.