சிறிய கட்டி மூன்று ஆண்டுகளில் 25 கிலோ எடையுள்ள பெரிய கட்டியாக மாறியது! விவசாயியின் வாழ்க்கையை முடக்கிய அந்த கட்டி.... மருத்துவ உலகில் நடந்த வினோதம்..!!!

எத்தியோப்பியாவில் 29 வயது விவசாயி ஒருவரின் உடலில் உருவான அபூர்வ கட்டி மருத்துவ உலகையே கவனிக்க வைத்துள்ளது. கழுத்தின் பின்னால் ஏற்பட்ட சிறிய வளர்ச்சி, மூன்று ஆண்டுகளில் 25 கிலோ எடையுள்ள பெரிய கட்டியாக மாறியது. சிக்கலான அறுவை சிகிச்சைக்குப் பிறகு அவர் தற்போது நலம்பெற்று மீண்டும் இயல்பு வாழ்க்கைக்கு திரும்பியுள்ளார்.

சிறிய கட்டியிலிருந்து பெரும் பாதிப்பு

தகவலின்படி, மூன்று ஆண்டுகளுக்கு முன்பு அந்த இளைஞரின் கழுத்தில் எலுமிச்சை அளவிலான ஒரு கட்டி தோன்றியது. ஆரம்பத்தில் அதை பெரிதாக எடுத்துக் கொள்ளவில்லை. ஆனால், காலப்போக்கில் அது வேகமாக வளர்ந்து, 25 கிலோ எடையுடைய பெரும் கட்டியாக மாறியது. இதனால் அவரின் தோற்றமே மாறி, சாதாரண வாழ்க்கை நடத்த முடியாத நிலை ஏற்பட்டது.

இதையும் படிங்க: 12 வயதில் விளையாட்டாக விழுங்கிய அந்த பொருள்! 20 வருடம் கழித்து நேர்ந்த விபரீதம்....எக்ஸ்ரேவில் வெளிவந்த அதிர்ச்சி! உயிர் தப்பிய இளைஞரின் திக் திக் நிமிடங்கள்..!!!

வாழ்க்கையே முடங்கிய நிலை

கட்டியின் அளவு அதிகரித்ததால், அவர் வழக்கமான ஆடைகள் அணிய முடியாமல் சிரமப்பட்டார். நண்பர்களுடன் பழகுவதும் குறைந்தது. இதனால் மன அழுத்தம் அதிகரித்து, விவசாய வேலையையும் நிறுத்தி வீட்டிலேயே இருந்தார். நாட்கள் செல்லச் செல்ல பசியும் குறைந்து, உடல் நிலையும் பாதிக்கப்பட்டது.

சிக்கலான அறுவை சிகிச்சை

மருத்துவர்கள் இதை லிப்போமா என அடையாளம் கண்டனர். பொதுவாக இவ்வகை கட்டிகள் சிறிய அளவிலேயே இருக்கும். ஆனால், இந்த வழக்கில் அது அபூர்வமாக மிகப்பெரியதாக வளர்ந்தது. உள்ளூர் சிகிச்சை பலனளிக்காததால், பெரிய மருத்துவமனைக்கு மாற்றப்பட்டார். கழுத்து நரம்புகளுக்கு அருகில் இருந்ததால் அறுவை சிகிச்சை கடினமாக இருந்தாலும், பல மணி நேர முயற்சிக்குப் பிறகு மருத்துவர்கள் வெற்றிகரமாக கட்டியை அகற்றினர்.

அறுவை சிகிச்சை முடிந்து நான்கு நாட்களிலேயே அவர் டிஸ்சார்ஜ் செய்யப்பட்டார். தற்போது ஆரோக்கியமாக உள்ள அவர், மீண்டும் தனது விவசாயப் பணிகளை தொடங்கியுள்ளார். நீண்ட நாட்களுக்குப் பிறகு பழைய வாழ்க்கைக்கு திரும்பிய மகிழ்ச்சியை அவர் வெளிப்படுத்தியதாக மருத்துவமனை தரப்பில் கூறப்படுகிறது.

இதையும் படிங்க: முதியவர் தலையில் முளைத்த கொம்பு! வெட்ட வெட்ட திரும்ப வருது.... அதிரவைக்கும் காரணம்! அதிர்ச்சியில் மருத்துவர்கள்!!!