மனசே வலிக்குது...! வாடகை பைக்கில் சென்ற இளம் பெண்ணுக்கு நேர்ந்த பயங்கரம்..! நொடியில் நொறுங்கி போன கனவு... நெஞ்சை உலுக்கும் சம்பவம்..!!!

டெல்லியில் சாலை விபத்தில் சிக்கிய அசாமைச் சேர்ந்த 22 வயது இளம் பெண் ஹ்ரிஷிதா லஹோன் உயிரிழந்தார். மைத்ரேயி கல்லூரியில் ஆங்கில இலக்கியம் படித்து முடித்திருந்த அவர், எதிர்காலம் குறித்த பல கனவுகளுடன் வாழ்ந்து வந்தார். ஆசிரமம் மேம்பாலம் அருகே இருசக்கர வாகனத்தில் சென்றபோது பின்னால் வந்த டெல்லி போக்குவரத்துக் கழக பேருந்து மோதியதில் அவர் படுகாயமடைந்தார்.

ஆசிரமம் மேம்பாலத்தில் நடந்த விபத்து

கடந்த செப்டம்பர் 28ஆம் தேதி காலை சுமார் 10 மணியளவில் ஹ்ரிஷிதா வாடகை இருசக்கர வாகனத்தில் பயணம் செய்துகொண்டிருந்தார். ஆசிரமம் மேம்பாலம் பகுதியில் சென்றபோது, பின்னால் வந்ததாக கூறப்படும் டெல்லி போக்குவரத்துக் கழக பேருந்து அவர் மீது மோதியது. இதில் பலத்த காயமடைந்த ஹ்ரிஷிதா உடனடியாக அப்பல்லோ மருத்துவமனையில் அனுமதிக்கப்பட்டார்.

இதையும் படிங்க: பயங்கர விபத்து! சீட் பெல்ட் அணியாததால் காரில் இருந்து வெளியே தூக்கி வீசப்பட்ட தாய், மகன்...! ஷாக் வீடியோ..!!!

மருத்துவர்கள் தீவிர சிகிச்சை அளித்தபோதும், காயங்களின் தீவிரம் காரணமாக அவர் சிகிச்சை பலனின்றி உயிரிழந்தார். புகைப்படம் எடுப்பதில் அதிக ஆர்வம் கொண்டிருந்த ஹ்ரிஷிதா, கல்லூரிப் படிப்பை முடித்த பின்னர் தனது எதிர்காலத்தை உருவாக்கும் முயற்சியில் இருந்ததாக அவரது குடும்பத்தினர் தெரிவித்துள்ளனர்.

பேருந்து, ஓட்டுநரை தேடும் போலீசார்

விபத்து குறித்து போலீசார் வழக்குப்பதிவு செய்து விசாரணையை தொடங்கியுள்ளனர். விபத்தை ஏற்படுத்தியதாக கூறப்படும் பேருந்து மற்றும் அதன் ஓட்டுநர் இதுவரை அடையாளம் காணப்படவில்லை. மேலும், விபத்தை நேரில் பார்த்ததாக கூறக்கூடிய சாட்சிகளும் இதுவரை போலீசாருக்கு கிடைக்கவில்லை. இதனால் அப்பகுதியில் உள்ள கண்காணிப்பு கேமரா காட்சிகள் உள்ளிட்ட ஆதாரங்களை வைத்து விசாரணை தீவிரப்படுத்தப்பட்டுள்ளது.

நண்பர்களுடன் சந்திக்க திட்டமிட்டிருந்த நிலையில் சோகம்

அக்டோபர் 2ஆம் தேதி நண்பர்களுடன் இரவு உணவுக்காக சந்திக்க ஹ்ரிஷிதா திட்டமிட்டிருந்ததாக கூறப்படுகிறது. அதற்கு சில நாட்களுக்கு முன்பாகவே சாலை விபத்தில் அவர் உயிரிழந்தது குடும்பத்தினரையும் நண்பர்களையும் பெரும் சோகத்தில் ஆழ்த்தியுள்ளது. இளம் வயதிலேயே உயிரிழந்த ஹ்ரிஷிதாவின் மரணம் தொடர்பான விசாரணையில் போலீசார் தொடர்ந்து தகவல்களை சேகரித்து வருகின்றனர்.

இதையும் படிங்க: அதிர்ச்சி! வணிக கப்பலில் சமையல்காரராக பணியாற்றிய இந்திய நபருக்கு நேர்ந்த கொடூரம்! போட்டவை பார்த்து கதறும் குடும்பத்தினர்... தகவல் எதுவும் இல்லாமல் தவிக்கும் குடும்பம்..!!!