கொடூர சம்பவம்..! வெறும் 12 நாட்களில் மட்டும் அடுத்தடுத்து 5 சிறுமிகள்! 13 வயது சிறுமியை ஹோட்டலுக்கு அழைத்து சென்று சீரழித்த வாலிபர்...!!!
டெல்லியில் 12 நாட்களில் 5 சிறுமிகள் மீது பாலியல் வன்கொடுமை உள்ளிட்ட கொடூர சம்பவங்கள் நடந்துள்ள நிலையில், வசீராபாத் வழக்கில் குற்றவாளியை போலீசார் தேடி வருகின்றனர்.
by
தேசிய தலைநகர் டெல்லியில் சிறுமிகளுக்கு எதிரான கொடூர சம்பவங்கள் அடுத்தடுத்து அரங்கேறி அதிர்ச்சியை ஏற்படுத்தியுள்ளன. செப்டம்பர் 10 முதல் 23-ம் தேதி வரை 12 நாட்களில் மட்டும் 5 சிறுமிகள் தொடர்பான பாலியல் வன்கொடுமை மற்றும் கொலை சம்பவங்கள் பதிவாகியுள்ளன. சமீபத்தில் வசீராபாத் பகுதியில் 13 வயது சிறுமி பாலியல் வன்கொடுமைக்கு ஆளானது வெளிச்சத்துக்கு வந்துள்ளது.
சமூக வலைதளம் மூலம் அறிமுகமான 20 வயது இளைஞர் ஒருவர், 13 வயது சிறுமியிடம் ஆசைவார்த்தைகள் கூறி அவரை ஹோட்டலுக்கு அழைத்துச் சென்றதாக கூறப்படுகிறது. அங்கு சிறுமிக்கு பாலியல் வன்கொடுமை நடந்துள்ளது. பின்னர் வீடு திரும்பிய சிறுமி அழுதபடி நடந்தவற்றை பெற்றோரிடம் தெரிவித்தார். இதையடுத்து அவர்கள் போலீசில் புகார் அளித்தனர்.
இதையும் படிங்க: இரவு நேரத்தில் பேனா வாங்க சென்ற 11 வயது சிறுமிக்கு.... தையல் கடைக்குள் நடந்த கொடூரம்! 56 வயது தையல்காரரின் வெறிச்செயல்..!!!
12 நாட்களில் தொடர்ந்த அதிர்ச்சி சம்பவங்கள்
செப்டம்பர் 10-ம் தேதி சுவரூப் நகரில் 16 வயது சிறுமி கொலை செய்யப்பட்டதாக கூறப்படுகிறது. இதைத்தொடர்ந்து சதர் பஜாரில் 11 வயது சிறுமி தொடர்பான பாலியல் வன்கொடுமை வழக்கும், கரோல் பாக்கில் 6 வயது சிறுமி தொடர்பான கொடூர வழக்கும் பதிவானதாக தகவல்கள் தெரிவிக்கின்றன.
கல்காஜி பகுதியில் 17 வயது சிறுமி கூட்டு பாலியல் வன்கொடுமைக்கு ஆளானதாகவும் கூறப்படுகிறது. இதன் தொடர்ச்சியாகவே தற்போது வசீராபாத் பகுதியில் 13 வயது சிறுமி பாதிக்கப்பட்டுள்ளார். குறுகிய காலத்தில் அடுத்தடுத்து சிறுமிகள் பாதிக்கப்பட்டிருப்பது டெல்லியில் பெரும் அதிர்வை ஏற்படுத்தியுள்ளது.
வசீராபாத் வழக்கில் போலீசார் தீவிர விசாரணை
வசீராபாத் வழக்கில் சிறுமியின் பெற்றோர் அளித்த புகாரின் அடிப்படையில் போலீசார் விசாரணையைத் தொடங்கியுள்ளனர். தலைமறைவாக உள்ளதாக கூறப்படும் 20 வயது இளைஞரை பிடிக்க தனிப்படை அமைத்து தேடுதல் நடவடிக்கைகள் மேற்கொள்ளப்பட்டு வருகின்றன. சமூக வலைதளம் மூலம் சிறுமியுடன் ஏற்பட்ட பழக்கம் மற்றும் அதன் பின்னணியையும் போலீசார் ஆய்வு செய்து வருகின்றனர்.
டெல்லியில் தொடர்ந்து பதிவாகும் இதுபோன்ற வழக்குகள் குறித்து போலீசார் விசாரணையை தீவிரப்படுத்தியுள்ளனர். குறிப்பாக சிறுமிகளை சமூக வலைதளங்களில் குறிவைத்து பழகி, அவர்களை தனிமையான இடங்களுக்கு அழைத்துச் செல்லும் சம்பவங்கள் தொடர்பாகவும் கண்காணிப்பு நடவடிக்கைகள் மேற்கொள்ளப்பட்டு வருவதாக தகவல் வெளியாகியுள்ளது.
இதையும் படிங்க: ஐயோ... நீங்க சொல்லறது மாறி இல்ல! விமான ஜன்னலில் விநாயகர் ஓவியம்..! சர்ச்சைகளுக்கு முற்றுப்புள்ளி வைத்த பெண்... வைரல் வீடியோ..!!!
