ஐயோ... நீங்க சொல்லறது மாறி இல்ல! விமான ஜன்னலில் விநாயகர் ஓவியம்..! சர்ச்சைகளுக்கு முற்றுப்புள்ளி வைத்த பெண்... வைரல் வீடியோ..!!!

விமானத்தில் பயணித்தபோது விநாயகர் ஓவியம் வரைந்த வீடியோவை வெளியிட்ட இந்திய ஓவியர் மிதாலி சாலுங்கே தற்போது சமூக வலைதளங்களில் கவனம் பெற்றுள்ளார். விமானத்தின் ஜன்னலில் நேரடியாக வண்ணம் தீட்டியதாகக் கூறி அவருக்கு எதிராக பலரும் விமர்சனங்களை முன்வைத்தனர். இதையடுத்து, உண்மையில் நடந்தது என்ன என்பது குறித்து மிதாலி விளக்கம் அளித்துள்ளார்.

விமான ஜன்னலில் விநாயகர் ஓவியம்

மிதாலி சாலுங்கே விமானத்தில் பயணம் செய்தபோது விநாயகர் படத்தை ஓவியமாக வரைந்துள்ளார். இதுதொடர்பான வீடியோவை அவர் தனது இன்ஸ்டாகிராம் பக்கத்தில் வெளியிட்டார். அந்தக் காட்சிகளில் விமானத்தின் ஜன்னல் பகுதியில் விநாயகர் உருவம் வரைவது போல் தெரிந்ததால், வீடியோ இணையத்தில் வேகமாகப் பரவியது.

இதையும் படிங்க: நாங்க போலீஸ்... சொல்றத மட்டும் தான் கேக்கனும்! 17 வயது சிறுமியை மிரட்டி கூட்டு பாலியல் பலாத்காரம் செய்த கும்பல்! பகீர் சம்பவம்...!!!

சமூக வலைதளங்களில் எழுந்த விமர்சனம்

வீடியோ எக்ஸ் தளத்திலும் பகிரப்பட்டதைத் தொடர்ந்து, பல்வேறு விமர்சனங்கள் எழுந்தன. விமானத்தின் ஜன்னலில் நேரடியாக வண்ணம் தீட்டி பொதுச் சொத்தை சேதப்படுத்தியதாக சிலர் குற்றம்சாட்டினர். மேலும், விமானப் பாதுகாப்பு விதிகளை மீறியதாகக் கூறி அவரை நோ-ஃப்ளை பட்டியலில் சேர்க்க வேண்டும் என்றும் அபராதம் விதிக்க வேண்டும் என்றும் சிலர் கருத்து தெரிவித்தனர்.

https://www.instagram.com/reel/DdjuLEztXOc/?utm_source=ig_web_copy_link&stkn=NTc4MTIwNjQ2YQ==

சர்ச்சைக்கு ஓவியர் அளித்த விளக்கம்

இதையடுத்து மிதாலி சாலுங்கே தனது தரப்பை விளக்கியுள்ளார். விமானத்தின் ஜன்னலில் நேரடியாக எந்தவிதமான வண்ணத்தையும் பயன்படுத்தவில்லை என்றும், ஜன்னலின் மீது வெளிப்படையான டிரான்ஸ்பரன்ட் ஷீட்டை வைத்து அதில்தான் ஓவியம் வரைந்ததாகவும் அவர் தெரிவித்துள்ளார். மேலும், தான் வரைந்த ஓவியத்தை தனியாக கையில் வைத்திருக்கும் புகைப்படத்தையும் வெளியிட்டுள்ளார். இதன் மூலம் விமான ஜன்னல் ஓவியம் தொடர்பாக எழுந்த சர்ச்சைக்கு அவர் விளக்கம் அளித்துள்ளார்.

இதையும் படிங்க: இரவு நேரத்தில் பேனா வாங்க சென்ற 11 வயது சிறுமிக்கு.... தையல் கடைக்குள் நடந்த கொடூரம்! 56 வயது தையல்காரரின் வெறிச்செயல்..!!!