உலகத்தை வியக்கவைத்த ஜப்பான் விஞ்ஞானிகளின் கண்டுபிடிப்பு! எல்லா ரத்த வகைக்கும் பொருந்தும் செயற்கை ரத்தம்! மருத்துவ உலகின் சாதனை!

உலகளாவிய ரத்த தானத்திற்கான விழிப்புணர்வு அதிகரித்தாலும், இன்னும் பல இடங்களில் அவசர காலங்களில் ரத்தத்தைப் பெறுவது சவாலாகவே இருந்து வருகிறது. குறிப்பாக, அரிய ரத்த வகைகள் கிடைக்காமை, பல உயிரிழப்புகளுக்கு வழிவகுக்கிறது.

ஜப்பான் விஞ்ஞானிகள் உருவாக்கிய செயற்கை ரத்தம்

இந்த சவாலான சூழ்நிலையில், ஜப்பானின் நாரா மருத்துவ பல்கலைக்கழகம் ஒரு முக்கிய முன்னேற்றத்தை சாதித்துள்ளது. அவர்கள் மனித ரத்தத்திற்கு மாற்றாக, எல்லா ரத்த வகைக்கும் பொருந்தக்கூடிய செயற்கை ரத்தத்தை உருவாக்கி வருகின்றனர்.

இந்த செயற்கை ரத்தம் ஹீமோகுளோபின் அடிப்படையில் தயாரிக்கப்படுகிறது. இயற்கையான ரத்தத்திலிருந்து சேகரிக்கப்பட்ட ஹீமோகுளோபினை கொண்டு உருவாக்கப்படும் இது, அறை வெப்ப நிலையில் 2 ஆண்டுகள் மற்றும் குளிர்சாதனத்தில் 5 ஆண்டுகள் வரை பாதுகாக்க முடியும் என்பது குறிப்பிடத்தக்கது.

இதையும் படிங்க: 28 வயது இளைஞருக்கு பிறப்புறுப்பில் தொற்று! அறுவை சிகிச்சையின் போது அலட்சியத்தால் மருத்துவர்கள் செய்த அதிர்ச்சி செயல்! கதறும் வாலிபர்...

பரிசோதனை கட்டத்தில் தொடரும் ஆராய்ச்சி

தற்போது, இந்த செயற்கை ரத்தம் 16 ஆரோக்கிய தன்னார்வலர்களுக்கு 100–400 மில்லி அளவில் செலுத்தப்பட்டு, உடலின் பல்வேறு உறுப்புகளில் இது எப்படி செயல்படுகிறது என்பதைக் கொண்டு ஆய்வு நடைபெற்று வருகிறது.

உலக ரத்த தட்டுப்பாட்டுக்கு தீர்வு

உலகளவில் ரத்த வங்கிகளில் தொடரும் தட்டுப்பாடு, விபத்துகள், புற்றுநோய், பிரசவம் மற்றும் அறுவை சிகிச்சை போன்ற சூழ்நிலைகளில் பெரும் பிரச்னையாக உள்ளது. இதில், செயற்கை ரத்தம் ஒரு புதிய தீர்வாக பார்க்கப்படுகிறது. குறிப்பாக அரிய ரத்த வகைகள் கிடைக்காமல் ஏற்படும் தாமதங்கள், இனிமேல் தவிர்க்கப்படலாம்.

எதிர்கால பயன்பாட்டிற்கான திட்டங்கள்

2023ல் தொடங்கிய இந்த ஆராய்ச்சி, வெற்றிகரமாக முடிவடைந்தால், 2030ம் ஆண்டில் ஜப்பானில் மருத்துவமனைகள் இதைப் பயன்படுத்தத் தொடங்கும் என எதிர்பார்க்கப்படுகிறது. உலகின் எந்த மூலையிலும் இந்த ரத்தத்தை அனுப்பும் தொழில்நுட்பம் உருவாகும் என்றும், எதிர்காலத்தில் மருந்துக் கடைகளிலும் இது விற்பனைக்கு வரும் என விஞ்ஞானிகள் நம்பிக்கை தெரிவித்துள்ளனர்.

இதன் மூலம் ஜப்பான், செயற்கை ரத்தத்தை உலகத்திற்கு முதன்முதலாக வழங்கும் நாடாகும் பெருமையை பெறவிருக்கிறது.

இதையும் படிங்க: சொந்த மகனின் வகுப்பு தோழனை திருமணம் செய்த 50 வயது தாய்! அதுவும் 30 வயது வித்தியாசத்தில்! அடுத்து மகனுக்கு சொன்ன குட் நியூஸ்! சீனாவில் நடந்த வினோதம்!