பிஞ்சு குழந்தை என்னடா பாவம் பண்ணுச்சு! 3 வயது குழந்தையை ரயிலில் இருந்து இறக்கி விட்டு விட்டு... பகீர் சிசிடிவி காட்சி!
சென்னையின் சானடோரியம் ரயில் நிலையத்தில் 3 வயது சிறுவன் தனியாகச் சுற்றி திரிந்த நிலையில் மீட்கப்பட்டதால், பயணிகள் மத்தியில் பரபரப்பு ஏற்பட்டது.
by
சென்னையின் சானடோரியம் ரயில் நிலையத்தில் இன்று நடந்த சம்பவம் பயணிகளை அதிர்ச்சியில் ஆழ்த்தியது. பொதுமக்களின் பாதுகாப்புக்காக எப்போதும் எச்சரிக்கையுடன் இருக்கும் ரயில்வே காவல்துறை இந்தச் சம்பவத்தில் விரைவான நடவடிக்கை எடுத்துள்ளது.
சிறுவன் மீட்பு நடவடிக்கை
நடைமேடை அருகே தனியாகச் சுற்றித் திரிந்த 3 வயது சிறுவனை கண்ட RPF காவலர் உடனடியாக பாதுகாப்பாக மீட்டு, குழந்தைகள் நல அலுவலரிடம் ஒப்படைத்தார். சிறுவனின் பெற்றோர் குறித்த தகவல் எதுவும் வெளிச்சம் வராததால், சம்பவம் தொடர்பாக போலீசார் தீவிர விசாரணை தொடங்கினர்.
CCTV மூலம் வெளிச்சம்
சிசிடிவி காட்சிகளை ஆய்வு செய்தபோது, கடற்கரை நிலையத்தில் இருந்து தாம்பரம் நோக்கி வந்த ரயிலில் ஒருவர் குழந்தையை இறக்கி விட்டு சென்றது பதிவாகியிருந்தது. இதன் காரணமாக, குழந்தை கடத்தப்பட்டு இங்கு விட்டு செல்லப்பட்டாரா என்ற சந்தேகம் எழுந்துள்ளது.
பயணிகள் மத்தியில் பரபரப்பு
இந்த சம்பவம் குறித்து போலீஸ் விசாரணை வேகமாக நடைபெற்று வருகிறது. சானடோரியம் ரயில் நிலையத்தில் நடந்த இந்தச் சம்பவம் பயணிகள் மத்தியில் பெரும் பரபரப்பையும் அச்சத்தையும் ஏற்படுத்தியுள்ளது.
சென்னையில் ஏற்பட்ட இந்த அதிர்ச்சி சம்பவம், பொதுமக்கள் பாதுகாப்புக்கான விழிப்புணர்வை அதிகரிக்க வேண்டிய அவசியத்தை மீண்டும் ஒருமுறை உணர்த்தியுள்ளது.
இதையும் படிங்க: பள்ளிக்கு சென்ற 11 ஆம் வகுப்பு மாணவன்! திடீரென மயங்கி விழுந்த நொடியில் மரணம்! விழுப்புரத்தில் பெரும் சோகம்...
