அவசரப்பட்டுடோமோ... ஆலோசனையே இல்லாமல் இப்படி ஒரு முடிவு! கசிந்த சீக்ரெட்.... பரபரப்பில் அரசியல் களம்!!!

தமிழகத்தில் நிதி நெருக்கடியும் கடன் சுமையும் அதிகரித்து வரும் நிலையில், 234 சட்டமன்ற உறுப்பினர்களுக்கும் அரசு சார்பில் புதிய கார்கள் மற்றும் கூடுதல் வசதிகள் வழங்கப்படும் என்ற முதலமைச்சர் விஜய்யின் அறிவிப்பு சர்ச்சையை ஏற்படுத்தியுள்ளது. தேர்தல் வாக்குறுதிகளை நிறைவேற்ற நிதிப் பற்றாக்குறை இருப்பதாக அரசு கூறி வரும் சூழலில், எம்.எல்.ஏ.க்களுக்கான இந்தச் செலவினம் ஏன் என்ற கேள்வி எழுந்துள்ளது. இதுகுறித்து பொதுமக்கள் மற்றும் அரசியல் வட்டாரங்களில் கடும் விமர்சனங்கள் முன்வைக்கப்பட்டு வருகின்றன.

நிதி நெருக்கடியில் புதிய கார்கள் ஏன்?

அரசு கருவூலத்தின் நிலை குறித்து வெள்ளை அறிக்கை வெளியிடப்பட்டுள்ள நிலையில், மக்கள் வரிப்பணத்தில் சட்டமன்ற உறுப்பினர்களுக்கு விலையுயர்ந்த வாகனங்கள் வாங்குவது எந்த அளவுக்கு நியாயம் என்ற விவாதம் தொடங்கியுள்ளது. ஏற்கனவே அரசு சம்பளம் மற்றும் பல்வேறு சலுகைகளைப் பெறும் பிரதிநிதிகள், வாகன வசதிக்காகவும் அரசின் நிதியைப் பயன்படுத்த வேண்டுமா என சமூக ஆர்வலர்கள் கேள்வி எழுப்புகின்றனர்.

இதையும் படிங்க: என்னயா நடக்குது இங்க....காரசாரமான விவாதத்தின் போது எ.வ.வேலு சொன்ன அந்த ஒரு வார்த்தை...! குலுங்கி சிரித்த CM விஜய்...! வைரலாகும் வீடியோ...!!!

குறிப்பாக, மகளிர் உரிமைத் தொகை உள்ளிட்ட மக்கள் நலத் திட்டங்களை செயல்படுத்துவதில் நிதி தொடர்பான சிக்கல்கள் இருப்பதாக கூறப்படும் நிலையில், இந்த முடிவு தேவையற்ற செலவாக பார்க்கப்படுகிறது. சமூக வலைதளங்களிலும் இதற்கு எதிரான கருத்துகள் அதிகரித்து வருகின்றன.

உயர்மட்டக் குழுவிடம் ஆலோசனை இல்லையா?

இதற்கிடையில், எம்.எல்.ஏ.க்களை ஆளும் தரப்பின் பக்கம் தக்கவைத்துக்கொள்ளும் நோக்கில் இந்தச் சலுகை அறிவிக்கப்பட்டதா என்ற அரசியல் சந்தேகமும் எழுந்துள்ளது. மாநில வருவாயை அதிகரிப்பதற்காக அமைக்கப்பட்ட உயர்மட்டக் குழுவிடம் உரிய ஆலோசனை நடத்தாமல் இந்த அறிவிப்பு வெளியானதாகவும் தகவல்கள் தெரிவிக்கின்றன.

இதனால், நிதி மேலாண்மை தொடர்பாக ஆலோசனை வழங்கும் அந்தக் குழுவின் தலைவரிடமும் அதிருப்தி ஏற்பட்டுள்ளதாக கூறப்படுகிறது. ஏற்கனவே பொருளாதார சவால்களை எதிர்கொள்ள வேண்டிய சூழலில், இத்தகைய முடிவுகள் அரசின் நிதி நிர்வாகம் குறித்த கேள்விகளை மேலும் தீவிரப்படுத்தியுள்ளன.

முடிவை மறுபரிசீலனை செய்வாரா விஜய்?

அறிவிப்புக்கு எதிராக எழுந்துள்ள விமர்சனங்கள் முதலமைச்சர் விஜய்யின் கவனத்துக்கும் சென்றுள்ளதாக கூறப்படுகிறது. மக்கள் வரிப்பணம் தேவையான துறைகளுக்கே முன்னுரிமையுடன் செலவிடப்பட வேண்டும் என்ற கோரிக்கை வலுத்து வரும் நிலையில், எம்.எல்.ஏ.க்களுக்கான கார் மற்றும் கூடுதல் வசதிகள் குறித்த முடிவு மறுபரிசீலனை செய்யப்படுமா என்ற எதிர்பார்ப்பு உருவாகியுள்ளது.

எதிர்ப்புகளுக்கு அரசு எவ்வாறு பதிலளிக்கப் போகிறது, அறிவிக்கப்பட்ட சலுகைகள் நடைமுறைக்கு வருமா அல்லது மாற்றங்கள் செய்யப்படுமா என்பதே தற்போது தமிழக அரசியல் களத்தில் முக்கிய விவாதமாகியுள்ளது. 234 எம்.எல்.ஏ.க்களுக்கான கார் அறிவிப்பு தொடர்பான அடுத்தகட்ட அரசின் முடிவு இதற்கு விடை அளிக்கும் என எதிர்பார்க்கப்படுகிறது.

இதையும் படிங்க: பேரவையில் CM கேட்ட அந்த கேள்வி... அப்பாவை காணோம்? மேடையிலேயே ஸ்டாலின் போட்டுடைத்த உண்மை! இது யாரும் எதிர்பார்க்காத ட்விஸ்ட்...!!!