தில்லாலங்கடி வேலை கண்டுபிடிப்பு! மகளிர் உரிமைத்தொகை பட்டியலில் நீக்கப்படும் லிஸ்ட்... அமைச்சர் ஜெகதீஸ்வரி வெளியிட்ட அதிரடி விபரம்.!!!

தமிழக அரசின் மகளிர் உரிமைத்தொகை திட்டத்தில் முக்கிய மாற்றங்கள் மேற்கொள்ளப்படவுள்ளன. தற்போது மாதந்தோறும் ₹1,000 பெற்று வரும் பயனாளிகளின் விவரங்கள் முழுமையாக மறுஆய்வு செய்யப்படுவதுடன், புதிய தகுதியான பெண்களை இணைப்பதற்கான நடவடிக்கைகளையும் அரசு தீவிரப்படுத்தியுள்ளது.

பயனாளிகள் பட்டியலில் மறுஆய்வு

முதலமைச்சர் தலைமையிலான தமிழக அரசு, அரசின் தகுதி விதிமுறைகளுக்கு உட்பட்டவர்களுக்கு மட்டுமே திட்டத்தின் பயன் கிடைப்பதை உறுதி செய்யும் நோக்கில் இந்த மறுஆய்வை தொடங்கியுள்ளது. இதன் மூலம், தகுதியில்லாத பயனாளிகளை கண்டறிந்து பட்டியலில் இருந்து நீக்கும் பணிகள் மேற்கொள்ளப்பட்டு வருகின்றன.

இதையும் படிங்க: பயிர்க்கடன் தள்ளுபடி திட்டத்தில் புதிய மாற்றம்.... முதல்வர் விஜய் எடுத்த அதிரடி முடிவு..!!!

முறைகேடுகள் குறித்து அமைச்சர் தகவல்

விருதுநகரில் செய்தியாளர்களிடம் பேசிய அமைச்சர் ஜெகதீஸ்வரி, திட்டத்தில் சில முறைகேடுகள் கண்டறியப்பட்டுள்ளதாக தெரிவித்தார். குறிப்பாக, ஒரே வீட்டில் இரண்டு ரேஷன் கார்டுகளை பயன்படுத்தி இரண்டு பெண்கள் நிதியுதவி பெற்று வந்த சம்பவங்கள் கண்டுபிடிக்கப்பட்டுள்ளதாகவும், இதுபோன்ற விதிமீறல்களை தடுக்கும் வகையில் அரசு புதிய நடைமுறைகளை உருவாக்கி வருவதாகவும் கூறினார்.

புதிய பயனாளிகள் இணைப்புக்கும் திட்டம்

மறுஆய்வுப் பணிகளுடன் இணைந்து, புதிய பயனாளிகளை சேர்ப்பதற்கான விரிவாக்க நடவடிக்கைகளும் நடைபெற்று வருகின்றன. புதிய விண்ணப்பதாரர்களுக்கு என்னென்ன தகுதி விதிமுறைகள் அமல்படுத்தப்பட வேண்டும், எத்தனை பேரை கூடுதலாக இணைக்கலாம் என்பது குறித்து அரசு ஆலோசித்து வருகிறது. இதன் மூலம், அனைத்து தகுதிகளையும் பூர்த்தி செய்யும் பெண்களுக்கு மட்டுமே திட்டத்தின் பயன் கிடைக்கும் வகையில் விரைவில் முக்கிய சீர்திருத்தங்கள் அறிவிக்கப்படும் என எதிர்பார்க்கப்படுகிறது.

இதையும் படிங்க: ஷாக் நியூஷ்! மகளிர் உரிமைத் தொகையில் தகுதியற்றவர்களின் பட்டியல் நீக்கம்..... இனி ரூ.2500 யாருக்கெல்லாம் கிடைக்கும்.? அமைச்சர் வெளியிட்ட முக்கிய தகவல்..!!!